13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
«Սասնա ծռերը» ԿԸՀ ներկայացրեց համամասնական ցուցակը. ՏԵՍԱՆՅՈՒԹ
Քաղաքականություն
14.11.2018 | 18:12
«Սասնա ծռեր» կուսակցության համամասնական ցուցակը, ինչպես հայտնի է, գլխավորում է Վարուժան Ավետիսյանը, առաջին հնգյակում են նաև Ստեփան Գրիգորյանը, Գարեգին Չուգասզյանը, Հերմինե Մկրտչյանն ու Գևորգ Սաֆարյանը: Փաստաթղթերը ՀՀ Կենտրոնական ընտրական հանձնաժողով (ԿԸՀ) ներկայացնելուց հետո լրագրողների հետ զրույցում Գևորգ Սաֆարյանը համոզմունք հայտնեց, որ դեկտեմբերի 9-ի ընտրությունների արդյունքում մեծ ներկայություն են ունենալու նոր խորհրդարանում:
«Մեր հասարակության մեծամասնությունը մեծ աջակցություն է ցուցաբերում «Սասնա ծռեր»-ին: Դա երևում է ամեն անգամ, երբ մենք ունենում ենք հանդիպումներ, այցելություններ, բազմաթիվ մարդիկ հենց փողոցում մեզ մոտենում են, ոգեշնչում:
Համոզված ենք, որ մեծ ներկայություն ենք ունենալու Ազգային ժողովում»,- ասաց նա: Հարցին, թե խորհրդարանում ընդդիմությո՞ւն են լինելու, թե՞ շարունակելու են աջակցել «Իմ քայլը» դաշինքին, Գևորգ Սաֆարյանը պատասխանեց. «Մենք հայտարարել ենք, որ աջակցում ենք հեղափոխությանը, աջակցում ենք հեղափոխական կառավորությանը, իսկ վաղը, հայտնվելով Ազգային ժողովում, իհարկե՝ այնտեղ տեղի են ունենալու դեբատներ, կարծիքների և գաղափարների բախումներ, ինչից էլ ծնվելու է ճշմարտությունը»:
Մանրամասները՝ տեսանյութում:
