08.03.2026 | 10:12
Հանրապետության մի շարք տարածաշրջաններում ձյուն է տեղում
Մեր ցուցակը համարում ենք հեղափոխական՝ իր ողջ տրամաբանության մեջ. Վահան Կոստանյան. ՏԵՍԱՆՅՈՒԹ
Քաղաքականություն
14.11.2018 | 15:58
«Իմ քայլը» դաշինքն այսօր՝ նոյեմբերի 14-ին, ՀՀ Կենտրոնական ընտրական հանձնաժողով (ԿԸՀ) ներկայացրեց նախընտրական ցուցակը: Լրագրողների հետ զրույցում ՔՊ կուսակցության մամլո խոսնակ Վահան Կոստանյանն ասաց՝ «Քաղաքացիական պայմանագիր»-ն «Առաքելություն» կուսակցության հետ լայն հասարակական ընդգրկվածությամբ ցուցակ է ներկայացրել:
«Որպես հեղափոխական թիմ՝ կմասնակցենք ընտրություններին կրկին «Իմ քայլը» դաշինքի ֆորմատով: Մեր համամասնական ցուցակում ընդգրկված է 183 անձ»,- ասաց Վահան Կոստանյանը։
Նա նշեց նաև, որ ցուցակում ընդգրկված է իրենց ամբողջ քաղաքական թիմը, ովքեր զբաղվել են կուսակցական գործունեությամբ, կառավարության և Ազգային ժողովի անդամները:
«Այս ցուցակը համարում ենք հեղափոխական՝ իր ողջ տրամաբանության մեջ: Այսինքն՝ այն ամենը, ինչ տեղի ունեցավ ապրիլից մայիսի ընթացքում, հաշվի առնելով նաև այն հայտարարությունները, որ նոր Հայաստանում եկել է բարիկադները քանդելու ժամանակը, դրանով պայմանավորված է նաև մի շարք քաղաքական գործիչների ներգրավվածությունն այս ցուցակում, ինչպես, օրինակ, Շիրակ Թորոսյանի և Ֆելիքս Ցոլակյանի»,- ընդգծեց Վահան Կոստանյանը։
Մանրամասները՝ տեսանյութում:
