09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Իրանը հայտարարում է, որ ԵՄ-ն պետք է դատապարտի ԱՄՆ-ի և Իսրայելի հարձակումը
Քաղաքականություն
05.03.2026 | 23:30
Իրանի արտաքին գործերի նախարարության խոսնակ Իսմայիլ Բաղային իսպանական TVE հեռուստաալիքին տված հարցազրույցում ասել է, որ ԵՄ երկրները «կվճարեն գինը՝ վաղ թե ուշ», եթե չխոսեն Իրանի նկատմամբ ԱՄՆ-Իսրայելի հարձակման դեմ, գրում է DW-ն։
Բաղային նաև կրկնել է Թեհրանի պնդումները, որ Թուրքիայի օդային տարածքում հայտնված հրթիռը արձակվել է Իրանից։
Թեհրանը և աշխարհի շատ փորձագետներ ԱՄՆ-Իսրայել հարձակումը համարում են միջազգային իրավունքի խախտում, այս տեսակետը վերջերս արտահայտել է նաև Իսպանիայի վարչապետ Պեդրո Սանչեսը, որը միակ ԵՄ առաջնորդն է, որը բացահայտորեն դեմ է արտահայտվել ԱՄՆ-Իսրայելական արշավին, ասվում է հրապարակման մեջ։
Սանչեսը, որն առաջացրել է ԱՄՆ նախագահ Դոնալդ Թրամփի զայրույթը՝ հրաժարվելով թույլ տալ, որ իր երկրում գտնվող բազաներն օգտագործվեն Իրանի վրա հարձակումներ իրականացնելու համար, չորեքշաբթի կրկնել էր իր քննադատական դիտարկումները՝ ասելով, որ միջազգային իրավունքը, «որը պաշտպանում է մեզ բոլորիս, հատկապես՝ քաղաքացիական բնակչությանը», վտանգված է։
Թարգմանությունը՝ Էմմա Չոբանյանի
