21.02.2026 | 10:27
Ստեփանծմինդա-Լարս ավտոճանապարհը փակ է կցորդով բեռնատարների համար
Դրամի արժեզրկման միտում կա․ ֆինանսական շուկաներում անհանգստություն է․ տնտեսագետ․ ՏԵՍԱՆՅՈՒԹ
Տնտեսություն
14.11.2018 | 14:57
Հետհեղափոխական Հայաստանի տնտեսական վիճակը գնահատելիս պետք է փաստենք, որ կա որոշակի անհանգստություն հատկապես ֆինանսական շուկաներում՝ մասնավորապես դրամի արժեզրկման միտումների հետ կապված։
Այս մասին այսօր հրավիրված մամուլի ասուլիսի ժամանակ ասաց տնտեսագետ Ատոմ Մարգարյանը՝ շեշտելով, որ դրամի հնարավոր արժեզրկումը կապված է ինչպես արտաքին և ներքին գործոնների, այնպես էլ արտահանման ծավալների նվազման հետ, ինչը իր ազդեցությունն է թողնում մեր արժութային շուկայի վրա։
«Բայց, այդուհանդերձ, գնային կամ գնաճային լուրջ ճնշումներ չկան, գնաճը տեղավորվում է 3,5 տոկոսի շրջանակներում, տնտեսական աճի ցուցանիշը 8․3 տոկոս է վեց ամիսների տվյալներով, ինչպես նաև 6,5 տոկոս տնտեսական ակտիվության ցուցանիշը ադեկվատ է արտացոլում այն իրավիճակը, որում գտնվում է մեր տնտեսությունը»,- ասաց Ատոմ Մարգարյանը։
Անդրադառնալով տնտեսության վերաբերյալ կանխատեսումներին՝ վերջինս նշեց, որ արտահերթ խորհրդարանական ընտրություններին ընդառաջ նման կանխատեսումներ անելը դժվար է, քանի որ հայտնի չէ՝ քաղաքական ուժերն ի՞նչ դիրքավորումներ կունենան և ի՞նչ ծրագրեր կներկայացնեն։
«Մի բան պարզ է, որ այս պահին քննարկվում է 2019 թվականի պետական բյուջեի նախագիծը, որը այս տարվա բյուջեի շարունակությունն է, ինչն այդպես էլ պետք է լիներ։ Մենք այդպես էլ հարկային օրենսգրքի նախագիծ անգամ չունեցանք, միայն առանձին կետերն են եկամտահարկի, գույքահարկի հարկման տարբերակի վերաբերյալ, իսկ թե այդ փոփոխություններն ինչպես պետք է կատարվեն, օդից կախված հարց է»,- ասաց նա։
Մանրամասները՝ տեսանյութում։
