Ինչու՞ են այդքան անհանգստացած Հանրապետականով. Վահրամ Բաղդասարյան. ՏԵՍԱՆՅՈՒԹ

Ինչո՞ւ են այդքան անհանգիստ Հանրապետականի ընդդիմություն լինելով: Այս մասին Factor.am-ի հետ զրույցում ասաց ՀՀ Ազգային ժողովի ՀՀԿ խմբակցության ղեկավար Վահրամ Բաղդասարյանը՝ անդրադառնալով տեսակետներին, թե ՀՀԿ-ն ինչպես տապալեց իշխանությունը, այնպես էլ կտապալի ընդդիմություն լինելը: «Իհարկե՝ ես շատ վատ կզգայի, եթե որևէ մեկն անհանգստություն չունենար: Պարզապես թե՛ քաղաքապետի (Երևանի ավագանու – խմբ.) ընտրությունների ժամանակ, երբ չէր մասնակցում ՀՀԿ-ն, ուշադրության կենտրոնում մենք էինք, այսօր էլ մենք ենք: Ուրեմն ինչ-որ բան կա անհանգստության, ես կիսում եմ իրենք անհանգստությունը»,- հավելեց նա:

Հարցին՝ սպասո՞ւմ են, որ առաջիկա ընտրությունները «հակահանրապետական» են լինելու, Վահրամ Բաղդասարյանը պատասխանեց. «Չեմ ցանկանում ենթադրություններ անել, բայց մենք պատրաստ ենք նաև դրան»: ՀՀԿ-ն կառուցողական, գաղափարական ընտրապայքար է ակնկալում: «Ժամանակն այնքան կարճ է, որ պետք է այն օգտագործենք, որպեսզի զուտ բանավեճերով, գաղափարական վեճերով կարողանանք ինչ-որ չափով գաղափարական խորհրդարան ձևավորենք»,- նշեց ՀՀԿ-ական պատգամավորը:

Իսկ ՀՀԿ-ն, ըստ Վահրամ Բաղդասարյանի, ընտրությունների գնում է, որպեսզի նոր իշխանությանը թույլ չտա կրկնել նույն սխալները և ճիշտ ուղու վրա կանգնեցնել: «Եթե չլինեին սխալներ, բացթողումներ, նման իրավիճակ չէր ստեղծվի: Եվ այն քաղաքական ուժը, որը հաշվի չի նստում իր իսկ կատարած սխալների հետ, նա ապագայում չունի որևէ անելիք և առաջընթաց չի կարող ունենալ: Հանրապետականը պետք է ընդունի իր սխալները և աշխատի դաս քաղել դրանցից ու շարժվի առաջ»,- հավելեց Բաղդասարյանը:

Մանրամասները՝ տեսանյութում: