06.04.2026 | 13:58
Ուկրաինական ԱԹՍ-ները հարձակվել են Կրասնոդարի մարզի վրա
Հայտնի է, թե ինչ կարգախոսով է Նիկոլ Փաշինյանի թիմը քարոզարշավ անելու․ «Նիկոլ, վարչապե՛տ. Իմ քայլը դաշինք».
Քաղաքականություն
14.11.2018 | 14:00
Մի քանի ժամից պաշտոնապես կհրապարակվեն Ազգային ժողովի ընտրություններին մասնակցող քաղաքական ուժերի նախընտրական ցուցակները և այսպիսով թեկնածուների մասով ինտրիգը կսպառվի: Այժմ քննարկումների օրակարգ է մտնում այն հարցը, թե քաղաքական ուժերը ինչ կարգախոսերով և նախընտրական ծրագրերով են ներկայանալու ընտրողներին, ինչպես նաև քարոզարշավի ինչ ինքնատիպ մեթոդներ են կիրառելու:
Factor.am-ին հայտնի դարձավ, որ «Իմ քայլը» դաշինքի կարգախոսը լինելու է «Նիկոլ, վարչապե՛տ. Իմ քայլը դաշինք»: Այս տեղեկությունը մեզ փոխանցեց ՔՊ-ի մեր հավաստի աղբյուրը: ՔՊ-ում քննարկվում է նաև քարոզարշավի մեկնարկը տալ Գյումրիից՝ քայլարշավով: Սա խորհրդանշելու է Նիկոլ Փաշինյանի մարտի 31-ին սկսած պայքարի մեկնարկը և ենթատեքստն այն է, որ քաղաքացիներին ևս մեկ անգամ հիշեցնեն, թե ինչ է արել Փաշինյանը և ինչու պետք է ընտրողը իր քվեն տա ՔՊ-ին:
Ալեն Սիմոնյանից ԱԺ-ում հետաքրքրվեցինք, թե ինչ մեթոդներ են կիրառելու քարոզարշավի ժամանակ, արդյո՞ք հնարավոր է, որ քայլարշավ սկսեն Գյումրիից: Նա պատասխանեց, որ հետաքրքիր մեթոդներ կլինեն, որոնց մասին առաջիկայում կհայտնի:
Նշենք, որ 2017 թվականի ընտրությունների նախընտրական շրջանում Նիկոլ Փաշինյանը բարձրանում էր տների ու այլ շինությունների տանիքներ:
Հայկ Վարդանյան
