28.10.2026 | 17:08
ՀՀ շրջակա միջավայրի նախարարը COP17-ի շրջանակներում հանդիպել է Հնդկաստանի գործընկերոջ հետ
Իրանի դեսպանը կանչվել է Թուրքիայի ԱԳՆ. նրան բողոք է ներկայացվել
Քաղաքականություն
04.03.2026 | 21:43
Թուրքիան երկրում Իրանի դեսպան Մոհամմադ Հասան Հաբիբոլլահզադեին կանչել է երկրի ԱԳՆ՝ բողոք և մտահոգություն հայտնելու Իրանից արձակված բալիստիկ հրթիռի հայտնաբերման կապակցությամբ, որը թռչում էր դեպի Թուրքիայի օդային տարածք։ Այս մասին հայտնել են դիվանագիտական աղբյուրները, գրում Daily Sabah-ը։
Թուրքիայի նախագահականի հաղորդակցության բաժնի տնօրեն Բուրհանեթթին Դուրանը հայտարարություն է հրապարակել սոցիալական ցանցերում, որում նշել է, որ համապատասխան հաստատությունները հետևում են իրավիճակին և գործում են լիակատար համակարգված։ Դուրանը նշել է, որ Թուրքիան շարունակում է դիվանագիտական ջանքեր գործադրել տարածաշրջանում լարվածության նվազեցման և կայունության խթանման ուղղությամբ։
Թուրքիայի պաշտպանության նախարարությունն ավելի վաղ հայտարարել էր, որ իրանական բալիստիկ հրթիռը, որը հատել էր Իրաքի և Սիրիայի օդային տարածքը և ուղևորվել դեպի Թուրքիայի տարածք, որսացել են Արևելյան Միջերկրական ծովում տեղակայված ՆԱՏՕ-ի օդային և հրթիռային պաշտպանության ուժերը։
Թարգմանությունը՝ Էմմա Չոբանյանի
