21.01.2026 | 22:12
Փաշինյանը մեկնեց Շվեյցարիա. Թրամփի հետ կստորագրվի Խաղաղության խորհրդի կանոնադրությունը
ՌԱԿ-ը ընտրություններին չի մասնակցում ու կոչ է անում ձայնը տալ «Իմ քայլը» դաշինքին
Քաղաքականություն
14.11.2018 | 13:04
2018 թվականի դեկտեմբերի 9-ին նշանակված խորհրդարանական արտահերթ ընտրություններից ժողովուրդը մեծ ակնկալիքներ ունի: Ենթադրվում է, որ այդ ընտրությունները կլինեն Թավշյա հեղափոխության շարունակությունը և երկրում սկսված փոփոխությունները կհանգեն իրենց տրամաբանական ավարտին. ասված է Ռամկավար Ազատական կուսակցության տարածած հայտարարությունում:
Ռամկավար Ազատական կուսակցությունը մի քանի օբյեկտիվ պատճառներով որոշեց ընտրություններին չմասնակցել: Միաժամանակ կուսակցությունը հավատարիմ մնալով իր որդեգրած «ժողովրդի հետ, ժողովրդի համար» հավատամքին, իր անդամներին և համակիրներին կոչ է անում իրենց ձայնը տալ «Իմ քայլը» դաշինքին: Այսինքն`ձայն տալ ժողովրդի ցանկությունն արտահայտողներին, դրական վերափոխումներին և առաջընթացին:
Կուսակցությունը հույս ունի, որ դրանով իր համեստ նպաստն է բերում Հայրենիքի հետագա զարգացմանն ու հայ ժողովրդի դարավոր երազանքների իրագործմանը:
Կենտրոնական վարչություն
