17.08.2026 | 23:08
Զորականում և Ամասիայում շչակներ են փորձարկվելու
Իրանը հայտարարել է, որ ամբողջությամբ վերահսկում է Հորմուզի նեղուցը
Քաղաքականություն
04.03.2026 | 11:20
Իրանի Իսլամական հեղափոխության պահապանների կորպուսը (ԻՀԿՊ) հայտարարել է, որ ամբողջությամբ վերահսկում է Հորմուզի նեղուցը, որը նավթի և գազի կարևորագույն նավագնացության ուղի է, և ջրային այս ուղիով անցնել ցանկացող ցանկացած նավ կարող է վնասվել հրթիռներից կամ թափառող անօդաչու թռչող սարքերից։
«Ներկայում Հորմուզի նեղուցն Իսլամական Հանրապետության ռազմածովային ուժերի լիարժեք վերահսկողության ներքո է»,- ասել է Պահապանների կորպուսի ռազմածովային ուժերի պաշտոնյա Մոհամմադ Աքբարզադեն Fars լրատվական գործակալությանը։
ԱՄՆ նախագահ Դոնալդ Թրամփը երեքշաբթի հայտարարել էր, որ ամերիկյան ռազմածովային ուժերի նավատորմը պատրաստ է ուղեկցել նավթատար նավերը Պարսից ծոցի կարևորագույն նավագնացության ուղիով։ Թրամփը նաև հրահանգել էր ԱՄՆ Զարգացման ֆինանսական կորպորացիային՝ քաղաքական ռիսկերի ապահովագրություն սկսել և ֆինանսական անվտանգության երաշխիքներ տրամադրել Պարսից ծոցով անցնող բոլոր ծովային առևտրի համար՝ «շատ մատչելի գնով»։
«Այս ծառայությունը հասանելի կլինի բոլոր նավագնացության ընկերությունների համար։ Անհրաժեշտության դեպքում՝ ԱՄՆ ռազմածովային ուժերը կսկսեն ուղեկցել լցանավերին Հորմուզի նեղուցով»,- հավելել էր ԱՄՆ նախագահը։
Թարգմանությունը՝ Էմմա Չոբանյանի
