12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Յուրաքանչյուր քաղաքացի, որ կքվեարկի ՀՀԿ-ի օգտին, կքվեարկի Սերժ Սարգսյանի օգտին. Ալեն Սիմոնյան. ՏԵՍԱՆՅՈՒԹ
Քաղաքականություն
14.11.2018 | 12:44
Խնամի-ծանոթ-բարեկամ տրամաբանությունից դրդված որևէ որոշում չի կայացվել: Այս մասին այսօր՝ նոյեմբերի 14-ին, ՀՀ Ազգային ժողովում լրագրողների հետ զրույցում ասաց «Ելք» խմբակցության անդամ Ալեն Սիմոնյանը՝ պատասխանելով հարցին, թե ինչ սկզբունքով է կազմվել «Իմ քայլը» դաշինքի համապետական ցուցակը:
«Մենք, ամենայն հավանականությամբ, եթե ունենանք ինչ-որ մարդիկ, որոնց կարելի է հեռու ձևով կապել, նրանք լինելու են ռեյտինգային ցուցակում: Այսինքն՝ մարդիկ են լինելու, որոնք չեն անցնելու իրենց ծանոթության բերումով, այլ եթե ընտրողները քվեարկեն նրանց օգտին, նրանք կանցնեն»,- հավելեց նա:
Ալեն Սիմոնյանի խոսքով՝ եզակի դեպք է եղել, որ կազմելուց հետո ցուցակը չնչին փոփոխություն է կրել. «Եզակի դեպքերից է եղել, որ «Քաղաքացիական պայմանագիր» կուսակցությունը սիրո և համերաշխության, առանց իրար հետ վիճելու, առանց բղավելու և առանց բուռն քննարկումների ցուցակ է կազմել: Նորից եմ կրկնում՝ սա եզակի դեպք է մեր կուսակցությունում»:
«Իմ քայլը» դաշինքի ընտրացուցակում հանրապետական «տասովշիկների» առկայության մասին հարցին էլ Ալեն Սիմոնյանը պատասխանեց. «Մեր կուսակցությունը մշտապես պայքարել է դրա դեմ: Ձեր հարցի մեջ ի սկզբանե սադրանք կա: Խնդրում եմ՝ մի արեք նման բան»:
Ալեն Սիմոնյանի խոսքով՝ համապետական ցուցակում թեկնածուների ներգրավելու ժամանակ առաջնորդվել են մի քանի չափանիշներով. «Տեսել ենք, թե քաղաքական ինչ ճանապարհ է անցել, վստահությունն ենք գնահատել, գնահատել ենք նրա աշխատանքն ապագա Ազգային ժողովում և այլն»:
Ինչ վերաբերում է արտահերթ ընտրություններում ՀՀԿ-ի հնարավորություններին, ապա ըստ Ալեն Սիմոնյանի՝ յուրաքանչյուր քաղաքացի, ով կքվեարկի ՀՀԿ-ի օգտին, կքվեարկի Սերժ Սարգսյանի օգտին:
Մանրամասները՝ տեսանյութում:
