13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Գումարներ չենք տալու, որ տուշոնկա գողացող գեներալներ գովերգող խմբակներ պահվեն դպրոցներում․ Արայիկ Հարությունյան․ ՏԵՍԱՆՅՈՒԹ
Քաղաքականություն
14.11.2018 | 12:26
Ազգային ժողովի փոխնախագահ Էդուարդ Շարմազանովն այսօր խորհրդարանում կրթության և գիտության նախարարի պաշտոնակատար Արայիկ Հարությունյանից հետաքրքրվեց՝ ի՞նչ տեղ է հատկացնում նախարարությունը դպրոցներում Հայ եկեղեցու պատմություն առարկային և ռազմահայրենասիրության և հայագիտության դասընթացներին։
«Պարոն Շարմազանովին պետք է ասեմ, որ միլիարդավոր դրամներ են տրվում հայագիտությանը, բայց արդյունքը քիչ է, և մենք պետք է պարզենք՝ ի՞նչ հիմնադրամների են գնում այդ գումարները, ի՞նչ անօրակ կենտրոնների, պարբերականների են տրվում դրանք․ օրինակ՝ տնտեսագիտության պրոֆեսորի համար ստեղծել են մի հայագիտության հիմնադրամ, որ զբվաղվածություն ունենա։ Հայ եկեղեցու մասին․ անընդհատ շեշտում են տարբեր թեմաներ՝ հայ եկեղեցու պատմություն, ԼԳԲՏ և այլն։ Այսկերպ փորձում են դիսկուրս փոխել, այնինչ բոլոր առարկաները՝ այդ թվում եկեղեցու պատմությունը, մաթեմատիկան, ռուսերենը, լուրջ վերափոխման կարիք ունեն։ Այնպես որ այդ մանիպուլյացիաները, որոնք էժան վերնագրերի են վերածվում, մեզ խանգարում են, բայց մենք առաջ ենք գնալու»,- ի պատասխան Շարմազանովի հարցադրումների՝ ասաց նախարարի պաշտոնակատարը։
Անդրադառնալով ռազմահայրենասիրական դաստիարակությանը՝ Հարությունյանը նշեց, որ մեր դպրոցներում այլևս չեն լինելու խմբակներ, որոնց տրվելու են 100 միլիոնավոր դրամներ, որտեղ գովերգվում են տուշոնկայով հասրտացած նախկին զինվորականների. «Սա չի լինելու։ Գումարները կտրել ենք ու տալու ենք այլ նպատակների համար»։
Մանրամասները՝ տեսանյութում։
