25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Իսրայելը չի բացառում ցամաքային գործողությունները Լիբանանում
Քաղաքականություն
02.03.2026 | 15:58
Իսրայելի բանակի խոսնակը լրագրողների հետ ճեպազրույցում պատասխանելով հարցին՝ արդյո՞ք պատրաստվում են ցամաքային գործողությունների Լիբանանում նոր փոխհրաձգություններից հետո, ասել է, որ «բոլոր տարբերակները սեղանին են», գրում է BBC-ն։
Նա հավելել է՝ լիբանանյան «Հըզբոլլահ» շարժումը «ծանր գին կվճարի» Իսրայելին հարվածելու համար։
«Մենք պատրաստված ենք, լավ պատրաստված։ Մենք մոբիլիզացրել ենք շուրջ 100,000 պահեստազորայինի՝ տասնյակ գումարտակներ, բրիգադներ, դիվիզիաներ, որոնք ներգրավվել են հյուսիսային սահմանի պաշտպանությունում և պատրաստ են բոլոր հնարավորություններին՝ պաշտպանության և հարձակման ժամանակ։ Մենք անցկացնում ենք իրավիճակի գնահատում, և բոլոր տարբերակները սեղանին են»,- ասել է բանակի խոսնակը։
Իսրայելի բանակի ներկայացուցիչը նաև հայտնել է, որ իսրայելական ուժերը նոր թիրախային հարված են հասցրել Բեյրութում «Հըզբոլլահ»-ի բարձրաստիճան պաշտոնյայի դեմ։ Մանրամասներ դեռևս չկան։
Թարգմանությունը՝ Էմմա Չոբանյանի
