Պակիստանը ռմբակոծել է Քաբուլը և «բաց պատերազմ» է հայտարարել Աֆղանստանին` ամիսներ տևած սահմանային բախումներից հետո

Լուրեր

21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
Բոլորը

Պակիստանը ուրբաթ օրը ռմբակոծել է Աֆղանստանի խոշոր քաղաքները, այդ թվում՝ մայրաքաղաք Քաբուլը, իսկ պաշտպանության նախարարը հարևաններին հայտարարել է «բաց պատերազմի» մասին՝ ամիսներ տևած բախումներից հետո, գրում է France 24-ը։

Հինգշաբթի երեկոյան աֆղանական ուժերը հարձակվել են պակիստանյան սահմանապահ զորքերի վրա, ինչը, ըստ թալիբների կառավարության, նախկինում մահացու ավիահարվածների պատասխանն էր։

Հարևան երկրների միջև հարաբերությունները կտրուկ վատթարացել են վերջին ամիսներին, քանի որ ցամաքային սահմանային անցակետերը մեծ մասամբ փակվել են հոկտեմբերին տեղի ունեցած մահացու մարտերից հետո, որոնց հետևանքով երկու կողմերից էլ զոհվել է ավելի քան 70 մարդ։

«Աֆղանստանի թալիբների պաշտպանական թիրախները նպատակակետ են վերցրել Քաբուլը, Պակտիան (նահանգ) և Ղանդահարը», – X-ում գրել է Պակիստանի տեղեկատվության նախարար Աթաուլլահ Թարարը, մինչդեռ պաշտպանության նախարար Խավաջա Ասիֆը հայտարարել է «լիակատար բախման» մասին թալիբների կառավարության հետ։

«Մեր համբերությունը հասել է իր սահմանին։ Հիմա մեր և ձեր միջև բաց պատերազմ է», – նա գրել է սոցիալական ցանցերում։

Թալիբանի կառավարությունը հաստատել է Պակիստանի օդային հարվածները, իսկ խոսնակ Զաբիհուլլահ Մուջահիդը հայտարարել է, որ զոհեր չկան։

Մի քանի ժամ առաջ Մուջահիդը հայտարարել էր սահմանին «լայնածավալ հարձակողական գործողություններ» սկսելու մասին՝ «ի պատասխան Պակիստանի զինվորականների կողմից կրկնվող խախտումների»։

Աֆղանստանի պաշտպանության նախարարությունը հայտնել է, որ ցամաքային հարձակման ժամանակ զոհվել է ութ զինվոր։

Աֆղան պաշտոնյան հայտնել է, որ Թորխհամի սահմանային անցակետի մոտ, Պակիստանից վերադարձող մարդկանց համար նախատեսված ճամբարում, վիրավորվել են մի քանի քաղաքացիական անձինք։

Թալիբանի կառավարության խոսնակ Մուջահիդը AFP-ին ասել է, որ մի քանի պակիստանցի զինվորներ «կենդանի գերի են վերցվել», ինչը հերքվել է Իսլամաբադում վարչապետի գրասենյակի կողմից։

Ռազմական գործողությունը տեղի է ունեցել կիրակի գիշերը Նանգարհար և Պակտիկա նահանգների վրա Պակիստանի կողմից հասցված հարվածներից հետո, որոնց, ըստ Աֆղանստանում ՄԱԿ-ի առաքելության, զոհվել է առնվազն 13 խաղաղ բնակիչ։

Թալիբների կառավարությունը հայտարարել է, որ զոհվել է առնվազն 18 մարդ և հերքել է Պակիստանի հայտարարությունը, որ ռազմական գործողության արդյունքում զոհվել է ավելի քան 80 զինյալ։

 

 

Թարգմանությունը`Էմմա Չոբանյանի