26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Ջորջիո Պուլասը վստահ է, որ մի քանի անգամ տապալելու է Արման Ծառուկյանին
26.02.2026 | 17:17
Ամերիկացի ըմբիշ և բլոգեր Ջորջիո Պուլասն անդրադարձել է UFC-ի թեթև քաշային կարգի դասակարգման երկրորդ համար Արման Ծառուկյանի հետ մենամարտին։ Ավելի վաղ Պուլասը հայտարարել էր, որ պատրաստ է հայ մարտիկին 1000 դոլար տալ յուրաքանչյուր հաջողված թեյքդաունի համար։
«Մեր մարզաձևում ոչ ոք ապահովագրված չէ անհաջողությունից. յուրաքանչյուրը կարող է հայտնվել մեջքի վրա։ Ծառուկյանը կունենա այդ հնարավորությունը, ես՝ նույնպես։ Վստահ եմ, որ մի քանի անգամ կտապալեմ նրան։ Հարցն այն է, թե արդյոք նա կկարողանա գցել ինձ և վաստակել 1000 դոլար։ Ոչ ոք դեռ չի կարողացել անել դա։ Վստահ եմ, որ մեկից ավելի անգամ գցելու եմ նրան հատակին»,- ասել է Պուլասը Red Corner MMA-ի տեսանյութում։
Արման Ծառուկյանը և Ջորջիո Պուլասն ազատ ոճի ըմբշամարտի մենամարտ են անցկացնելու փետրվարի 28-ին ԱՄՆ-ի Արիզոնա նահանգի Տեմպե քաղաքում կայանալիք RAF (Real American Wrestling) լիգայում։
29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
