22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Ժնևում մեկնարկել է Իրան-ԱՄՆ միջուկային բանակցությունների երրորդ փուլը
Քաղաքականություն
26.02.2026 | 15:05
Ժնևում մեկնարկել է Իրանի ու ԱՄՆ-ի միջև միջուկային բանակցությունների երրորդ փուլը: Իրանական Mehr գործակալությունը հայտնում է, որ բանակցությունները սկսվել են տեղական ժամանակով ժամը 10:00-ին՝ Օմանի դեսպանատան շենքում:
Իրանական կողմից մասնակցում է արտաքին գործերի նախարար Աբբաս Արաղչին, ԱՄՆ պատվիրակներն են բանագնացներ Սթիվ Ուիթկոֆն ու Ջարեդ Քուշները։ Օմանը հանդես է գալիս որպես միջնորդ։
Իրանի արտաքին գործերի նախարարության խոսնակ Էսմայիլ Բաղային ասել է, որ Թեհրանը ներկայացրել է անուղղակի բանակցությունների առաջարկ ներկայիս փուլում, որը կենտրոնացած է միջուկային իրավունքների պաշտպանության և պատժամիջոցները մեղմելու վրա։ Ըստ Բաղայիի՝ Իրանի դիրքորոշումները պատժամիջոցների վերացման և իր միջուկային իրավունքների պաշտպանության վերաբերյալ հստակ և հետևողական են։
Նա նաև հաստատել է, որ երրորդ փուլը սկսվել է չորեքշաբթի երեկոյան արտաքին գործերի նախարար Սեյեդ Աբբաս Արաղչիի և նրա օմանցի գործընկերոջ միջև հանդիպմամբ՝ հավելելով, որ Ատոմային էներգիայի միջազգային գործակալության գլխավոր տնօրենը կարող է միանալ քննարկումներին։
Թարգմանությունը՝ Էմմա Չոբանյանի
