10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Վրաստանի ֆինանսական ոստիկանությունը հայ վարորդների ինչ-որ ապրանքների հետ խնդիր է տեսնում. Պապոյան. ՏԵՍԱՆՅՈՒԹ
Քաղաքականություն
26.02.2026 | 13:40
Հայաստանի կառավարության համար անհասկանալի է, թե ինչու վրացական կողմը թույլ չի տալիս ՌԴ-ից Վրաստանի սահմանը հատած բեռնատարների հայ վարորդներին շարունակել ճանապարհը, այս մասին ասել է Էկոնոմիկայի նախարար Գևորգ Պապոյանը՝ Կառավարության նիստից հետո պատասխանելով Factor.am-ի հարցին։
«Մեզ համար էլ է անհասկանալի։ Գիտեք, որ մի քանի օր առաջ ՀՀ-ում էր Վրաստանի Էկոնոմիկայի նախարարը։ Նա նշեց, որ սա իրենց գերատեսչության հետ կապ չունի, Վրաստանի ֆինանսական ոստիկանության հետ է կապված, որը ենթարկվում է Վրաստանի ֆինանսների նախարարությանը։ Ըստ վրացական կողմի՝ ֆինանսական ոստիկանությունը ինչ-որ խնդիրներ է տեսնում ինչ-որ ապրանքերի հետ կապված։ Ես խնդրել եմ պարզաբանել՝ ինչ ռիսկերի մասին է խոսքը։ Պետք է ասեմ, որ մինչև հիմա պատասխան չենք ստացել, թե ինչ են արել մեր վարորդները»,-ասաց նախարարը։
Հիշեցնենք՝ արդեն մեկ շաբաթ է ինչ Վրաստանի տարածքով բեռնափոխադրում իրականացնող հայ վարորդներն ահազանգում են այն մասին, որ ՌԴ-ից Վրաստան մուտք գործելուց հետո իրենց տեղաշարժն անհասկանալի պատճառներով խոչընդոտվում է վրացի սահմանապահների կողմից։ Հիմնականում թույլ չեն տալիս ճանապարհը շարունակել շինանյութ ներկրողներին։ Վարորդներն անանուն մնալու պայմանով նշում են, որ վրացական կողմում իրենցից կաշառք են պահանջում։
Մանրամասները՝ տեսանյութում։
Նարեկ Կիրակոսյան
