15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Փոխնախարարի հորաքույրը՝ թատերականի ռեկտոր
13.11.2018 | 17:31
Քիչ առաջ տեղեկություն տարածվեց, որ Երևանի թատրոնի և կինոյի պետական ինստիտուտի ռեկտորի ժամանակավոր պաշտոնակատար է նշանակվել Լիլիթ Արզումանյանը:
Factor.am-ի տեղեկություններով՝ Լիլիթ Արզումանյանը տրանսպորտի, կապի և տեղեկատվական տեխնոլոգիաների փոխնախարար Արմեն Արզումանյանի հորաքույրն է: Տեղեկությունը մեզ հետ զրույցում չհերքեց նաև Արզումանյանը:
Ի դեպ, Լիլիթ Արզումանյանը Բարձրագույն որակավորման հանձնաժողովի (ԲՈՀ) նախկին նախագահն է: Նրան Սմբատ Գոգյանով փոխարինելը բավականին աղմուկ բարձրացրեց, քանի որ տիկին Արզումանյանը իր հարցազրույցներում նշել էր, որ տեղյակ չի եղել ԲՈՀ-ի նախագահի փոփոխության մասին:
Անդրադառնալով փոխնախարարին՝ նշենք, որ նա առաջադրվելու է ԲՀԿ ցուցակով և հնարավոր է, որ առաջիկայում լինի խորհրդարանում: Արզումանյանը ԲՀԿ երիտթևից է:
Հայկ Վարդանյան
