24.04.2026 | 23:32
Կապանում ջրանջատում կլինի
Ուկրաինական ԱԹՍ-ները հարձակվել են Սմոլենսկի քիմիական գործարանի վրա, զոհվել է 4 մարդ
Քաղաքականություն
25.02.2026 | 14:00
Ուկրաինական և ռուսական տելեգրամ ալիքները հայտնում են, որ փետրվարի 25-ի գիշերը ուկրաինական անօդաչու թռչող սարքերը հարձակվել են Ռուսաստանի Սմոլենսկի մարզի Դորոգոբուժ քաղաքում գտնվող քիմիական գործարանի վրա, գրում է Current time-ը։
Մի շարք ալիքներ, այդ թվում՝ Mash-ը, հաղորդում են, որ հարձակման հետևանքով զոհվել է չորս մարդ, որոնցից երեքը՝ Արտակարգ իրավիճակների նախարարության աշխատակիցներ։ Ռուսաստանի իշխանությունները պաշտոնապես չեն հայտարարել գործարանի վրա հարձակման կամ զոհերի թվի մասին։ Ռուսաստանի պաշտպանության նախարարությունն իր առավոտյան հաղորդագրության մեջ միայն հայտարարել է, որ գիշերը Սմոլենսկի մարզում խոցվել է 14 անօդաչու թռչող սարք։
Ուկրաինական Exilenova+ և Supernova+ մոնիթորինգային ալիքները, հղում անելով լուսանկարներին և տեսանյութերին, հաստատում են, որ հարվածի թիրախը Դորոգոբուժի քիմիական գործարանն էր, որն ամոնիակ էր արտադրում: Այս օբյեկտն արդեն ենթարկվել էր անօդաչու թռչող սարքերի հարձակման 2025 թվականի նոյեմբերին և դեկտեմբերին: Կիևը դեռևս պաշտոնապես չի հաստատել հարվածը:
Ավելի ուշ նահանգապետ Վասիլի Անոխինը հաստատել է, որ ուկրաինական անօդաչու թռչող սարքերը հարձակվել են Սմոլենսկի մարզի Դորոգոբուժ քաղաքում գտնվող «Դորոգոբուժ» ԲԲԸ-ի վրա: Նրա խոսքով՝ ձեռնարկության չորս աշխատակից զոհվել է, ևս 10 վիրավոր հոսպիտալացվել է։
Դորոգոբուժ քաղաքի դպրոցներն անցել են հեռավար ուսուցման, իսկ մանկապարտեզներում դասերը չեղարկվել են։ Այս մասին հայտարարել է նահանգապետը՝ չմանրամասնելով՝ արդյոք քիմիական գործարանի վրա հարձակման հետևանքով քաղաքում օդի աղտոտվածություն կա, թե ոչ։
Թարգմանությունը՝ Էմմա Չոբանյանի
