15.06.2026 | 23:45
«Կրկնակի վանդալիզմ»․ բրոնզագույն սե՞պ հայ-ռուսական հարաբերություններում. ՏԵՍԱՆՅՈՒԹ
ՄԻՊ ներկայացուցիչներն ուսումնասիրել են ազատությունից զրկված անձանց տեղափոխման համար նախատեսված մեքենաները
Հասարակություն
13.11.2018 | 17:11
Մարդու իրավունքների պաշտպանի ներկայացուցիչները մշտադիտարկման այց են իրականացրել Ոստիկանության Երևան քաղաքի ուղեկցող գումարտակ և ուսումնասիրել են ազատությունից զրկված անձանց տեղափոխման համար նախատեսված տրանսպորտային միջոցների պայմանները:
Ուշադրություն է դարձվել նշված տրանսպորտային միջոցների խցերին, դրանց մակերեսներին, սանիտարահիգիենիկ վիճակին ու կահավորմանը, օդափոխությանը, ջեռուցմանը, լուսավորությանը և անվտանգության պայմաններին:
Մշտադիտարկումը ցույց է տվել, որ Մարդու իրավունքների պաշտպանի՝ որպես կանխարգելման ազգային մեխանիզմի 2017 թվականի գործունեության վերաբերյալ տարեկան զեկույցում արձանագրված խնդիրներից որոշները կարգավորվել են (օրինակ՝ սանիտարահիգիենիկ վիճակ): Դրա հետ միասին, դեռևս կան չլուծված խնդիրներ։ Խոսքը, մասնավորապես, վերաբերում է թափքի շարժման ընթացքում անձի անվտանգության ապահովմանը, տրանսպորտային միջոցների բնական լուսաթափանցելիությանը, դրանց մակերեսներին, ջեռուցմանը:
Մարդու իրավունքների պաշտպանի իրավասության շրջանակում կձեռնարկվեն օրենքով նախատեսված անհրաժեշտ քայլեր արձանագրված խնդիրների լուծմանը նպաստելու կապակցությամբ։
