05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
ՊՍԺ-ի ֆուտբոլիստը դատարանի առջև կկանգնի բռնաբարության գործով
24.02.2026 | 17:28
Մարոկկոյի հավաքականի և ֆրանսիական ՊՍԺ-ի պաշտպան Աշրաֆ Հաքիմին կներկայանա դատարան՝ բռնաբարության գործով։ Դատական լսումների ամսաթիվը դեռևս հայտնի չէ։ Այս մասին հայտնում է Le Parisien-ը։
Նանտերի դատախազությունը 2023 թվականի մարտին մեղադրանք է առաջադրել Հաքիմիին։ Ֆուտբոլիստը մեղադրվում է 24-ամյա կնոջ բռնաբարելու մեջ, որը նույն տարվա փետրվարին դիմել էր ոստիկանություն։ 2025 թվականի օգոստոսին Le Parisien-ը հաղորդել էր, որ Հաքիմիին սպառնում է մինչև 15 տարվա ազատազրկում․ նման պատիժ է պահանջում Նանտերի դատախազությունը։
27-ամյա Հաքիմին 2021 թվականի ամառվանից է հանդես գալիս ՊՍԺ-ում, որի հետ չորս անգամ դարձել է Ֆրանսիայի չեմպիոն, երեք անգամ՝ երկրի սուպերգավաթակիր, երկու անգամ՝ Ֆրանսիայի գավաթակիր, ինչպես նաև հաղթել է Չեմպիոնների լիգայում և ՈւԵՖԱ-ի Սուպերգավաթում։
