27.10.2026 | 19:13
Այգեհատ և Օձուն գյուղերում 24 ժամ ջուր չի լինի
TRIPP-ը օգուտ կբերի ամբողջ տարածաշրջանին, այդ թվում՝ Վրաստանին. Թուրքիայի խորհրդարանի հանձնաժողովի նախագահ
Քաղաքականություն
24.02.2026 | 22:31
Հարավային Կովկասում խաղաղությունն ու կայունությունը միշտ էլ առաջնահերթություն են եղել Թուրքիայի համար։
Ըստ ադրբեջանական լրատվամիջոցների՝ այս մասին Բաքվում հայտարարել է Թուրքիայի Ազգային Մեծ ժողովի արտաքին հարաբերությունների հանձնաժողովի նախագահ Ֆուաթ Օքթայը՝ Ադրբեջանի, Թուրքիայի և Վրաստանի խորհրդարանների արտաքին հարաբերությունների հանձնաժողովների տասներորդ եռակողմ հանդիպման ժամանակ։
Նա ընդգծել է, որ Թուրքիան լիովին աջակցում է Ադրբեջանի և Հայաստանի միջև հարաբերությունների կարգավորման գործընթացին։
«Մենք Բաքվի և Երևանի վերջին քայլերը դիտարկում ենք որպես վստահության ամրապնդմանն միջոցներ», – նշել է Օքթայը։
Ըստ նրա՝ TRIPP նախագիծը օգուտ կբերի ամբողջ տարածաշրջանին, այդ թվում՝ Վրաստանին։
«Թուրքիան շարունակում է Հայաստանի հետ հարաբերությունների կարգավորման գործընթացը։ Հայ-թուրքական և հայ-ադրբեջանական հարաբերությունների կարգավորումը կնպաստի տարածաշրջանում խաղաղության և կայունության ամրապնդմանը։ Վրաստանի համակարգումը և այստեղ երկխոսությանը ներդրումը մեծ արժեք ունեն», – հայտարարել է Օքթայը։
Նա հավելել է, որ Ադրբեջանի, Թուրքիայի և Վրաստանի միջև էներգետիկ համագործակցությունը կարող է ավելի ընդլայնվել։
Թարգմանությունը՝ Էմմա Չոբանյանի
