09.06.2026 | 00:17
Մարկո Ռուբիոն շնորհավորել է Փաշինյանին
«Սասնա Ծռերը» միակ ուժն է, որը լուրջ հայեցակարգ ունի. Ստեփան Գրիգորյան. ՏԵՍԱՆՅՈՒԹ
Քաղաքականություն
13.11.2018 | 14:57
Գլխավոր հանգամանքը, ինչու ես «Սասնա Ծռերի» հետ եմ, որովհետև նրանք ազնիվ են, հայրենասեր ու սկզբունքային: Այս մասին այսօր՝ նոյեմբերի 13-ին, հրավիրված ասուլիսում հայտարարեց «Սասնա Ծռեր» կուսակցության նախընտրական ցուցակով ԱԺ արտահերթ ընտրություններին մասնակցող քաղաքագետ Ստեփան Գրիգորյանը:
«Ինձ համար կարևոր է «Սասնա Ծռերի», դեռևս հուլիսին արված այն հայտարարությունը, երբ ասացին, որ հրաժարվում են բռնությունից՝ որպես քաղաքական հարցերը լուծելու մեթոդ: Էջը փակված է, և իրենք գնում են առաջ»,- հավելեց նա:
Եվս մեկ կարևոր հանգամանք էլ, ըստ Ստեփան Գրիգորյանի, այն է, որ «Սասնա Ծռեր» կուսակցությունը միակ քաղաքական ուժն է, որն ունի հայեցակարգ:
Ինչ վերաբերում է արտահերթ ընտրությունների արդյունքում ձևավորվելիք Ազգային ժողովին, ըստ քաղաքագետի՝ խորհրդարանում պետք է հակակշիռ լինի Նիկոլ Փաշինյանի կառավարությանը:
«Եթե մենք Նիկոլ Փաշինյանին լավն ենք կամենում, ուրեմն Ազգային ժողովում պետք է շատ ուժեղ հակակշիռ լինի նրան: Հակակշիռ ասելով պետք չէ պրիմիտիվ ընդդիմություն ընկալել: Հակակշիռ, երբ դու ունես ասելիք, կառավարության հետ համագործակցում ես, դիտողություն ես անում, երբ կառավարությունը սխալ է անում»,- հավելեց Գրիգորյանը:
Նշենք, որ Ստեփան Գրիգորյանը «Սասնա Ծռեր» կուսակցության նախընտրական ցուցակի երկրորդ հորիզոնականում է:
Մանրամասները՝ տեսանյութում:
