16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Զելենսկին առաջին անգամ ցուցադրել է նախագահական բունկերը, որտեղ անցկացրել է պատերազմի առաջին ամիսները․ ՏԵՍԱՆՅՈՒԹ
Քաղաքականություն
24.02.2026 | 15:34
Ուկրաինայի նախագահ Վլադիմիր Զելենսկին առաջին անգամ ցուցադրել է Կիևի Բանկովա փողոցում գտնվող գրասենյակի շենքի տակ գտնվող բունկերը և իր գրասենյակը։
Այս մասին հաղորդում է ՌԲԿ Ուկրաինան՝ հղում անելով Ուկրաինայի ղեկավարի Telegram ալիքին։
«Այս գրասենյակը, Բանկովա փողոցի բունկերի այս փոքրիկ սենյակը՝ այստեղ է, որ պատերազմի սկզբում տեղի են ունեցել առաջին զրույցները համաշխարհային առաջնորդների հետ։ Այստեղ եմ ես խոսել նախագահ (ԱՄՆ նախագահ Ջո Բայդեն) Բայդենի հետ, և այստեղ եմ լսել. «Վլադիմիր, սպառնալիք կա, դու պետք է անհապաղ լքես Ուկրաինան։ Մենք պատրաստ ենք օգնել»։ Եվ ես պատասխանեցի, որ ինձ զենք է պետք, ոչ թե տաքսի», – ասել է Ուկրաինայի նախագահը։
Հրապարակված տեսանյութում նա քայլում է հայրենասիրական պաստառներով զարդարված միջանցքներով։
Ուկրաինայի նախագահի գրասենյակը գտնվում է Բանկովա փողոցի 11 հասցեում: Այս շենքը կառուցվել է 1936-1939 թվականներին՝ 1870-ական թվականների շենքի հիմքերի վրա։
Սկզբում այնտեղ տեղակայված է եղել Կիևի հատուկ ռազմական շրջանի շտաբը, իսկ ավելի ուշ՝ Ուկրաինայի կոմունիստական կուսակցության կենտրոնական կոմիտեն։
Թարգմանությունը՝ Էմմա Չոբանյանի
