16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Մենք բացահայտել ենք նոր իշխանությունների ստերի շարանը. Էդուարդ Շարմազանով. ՏԵՍԱՆՅՈՒԹ
Քաղաքականություն
13.11.2018 | 13:36
Մենք գնում ենք ընտրության, որպեսզի մեր հայրենիքը, մեր կառավարությանը զերծ պահենք ճակատագրական սխալներից և մեր խոսքն ասենք, որպեսզի պաշտպանենք մեր երկիրը մարտահրավերներից: Այսօր՝ նոյեմբերի 13-ին ՀՀ Ազգային ժողովում լրագրողների հետ զրույցում հայտարարեց ՀՀԿ խմբակցության պատգամավոր Էդուարդ Շարմազանովը:
«Մենք մեկ անգամ չէ, որ ասել ենք՝ այսօր Նիկոլ Փաշինյանին միակ գաղափարական ընդդիմությունը մենք ենք: Նաև մեկ անգամ չէ, որ նշել ենք, որ մեր հայրենիքն այսօր կանգնած է բազմաթիվ արտաքին և անվտանգության մարտահրավերների առջև: Եվ գիտակցելով այդ մարտահրավերները՝ ՀՀԿ-ն չի կարող գնալ բոյկոտի և կրավորական կեցվածք ընդունել և ասել՝ ինչ ուզում է՝ լինի, թող Փաշինյանը գնա տապալվի, մենք էլ ուրախանանք: Մենք աբիժնիկ չենք, մենք հայրենիքի զինվոր ենք, և հայրենիքի շահը վեր է ամեն ինչից: Ձեռքերը լվանալ, մարտահրավերներից փախչել, ուրախանալ Փաշինյանի ձախողումներով, դա մերը չէ»,- ընդգծեց Շարմազանովը:
Հարցին, թե ինչո՞ւ ՀՀԿ-ի նախընտրական ցուցակում չկա Սերժ Սարգսյանի անունը, երբ ժամանակին հանրապետականները վարչապետի թեկնածու առաջադրելիս ասում էին՝ նա անփոխարինելի է, Էդուարդ Շարմազանովը պատասխանեց. «Հիմա այլ իրավիճակ է, հիմա բոլորիս էլ պարզ է, որ ՀՀԿ-ն չի գնում ընտրությունների՝ իշխանությունը վերանվաճելու: Բոլորիս էլ պարզ է, որ ընտրությունների ելքն առաջին տեղի կանխորոշված է: Ինչ-որ մեկը կասկածո՞ւմ է, որ «Իմ քայլը» հաղթելու է: Ես չեմ կասկածում: Մենք մասնակցում ենք ընտրությունների՝ իրական ընդդիմադիր բևեռ ձևավորելու, որովհետև յուրաքանչյուր ժողովրդավարական երկրում անհրաժեշտ է գաղափարական, սկզբունքային ընդդիմություն»:
Շարմազանովը նաև նշեց, թե ինչու պետք է ժողովուրդը հավատա հանրապետականներին. «Որովհետև այս վեց ամիսների ընթացքում մենք բացահայտել ենք նոր իշխանությունների ստերի շարանը»:
Մանրամասները՝ տեսանյութում:
