04.09.2026 | 23:10
ԱՄՆ պատվիրակության՝ Մոսկվա այցի ընթացքում Ուկրաինան չի հարվածի Ռուսաստանին. Զելենսկի
ՔՊ-ի և ԲՀԿ-ի միջև արհեստականորեն հակասություններ հրահրել այս անգամ չի ստացվելու. Նաիրա Զոհրաբյան. ՏԵՍԱՆՅՈՒԹ
Քաղաքականություն
13.11.2018 | 13:51
Ընտրություններում մեր զրուցակիցը լինելու է ՀՀ քաղաքացին, մենք չենք պատրաստվում մարտի բռնվել մնացած քաղաքական ուժերի հետ, և բոլորին կոչ ենք անում կոռեկտ ընտրության: Այսօր՝ նոյեմբերի 13-ին ՀՀ Ազգային ժողովում լրագրողների հետ զրույցում այս մասին հայտարարեց «Ծառուկյան» խմբակցության պատգամավոր Նաիրա Զոհրաբյանը: «Ով կխախտի կոռեկտության սահմանը, ով կանցնի ընտրապայքարի համար թույլատրելի կարմիր գիծը, բնականաբար, համարժեք պատասխան կստանա»,- ընդգծեց նա:
Դիտարկմանը, թե Երևանի ավագանու ընտրություններին համարժեք պատասխանը ԲՀԿ-ին չօգնեց, և Նիկոլ Փաշինյանի ելույթներն ավելի մեծ կշիռ ունեցան, Նաիրա Զոհրաբյանը պատասխանեց. «Ես վստահ եմ, որ «Քաղաքացիական պայմանագիրն» ինքը շահագրգիռ է կոռեկտ ընտրապայքարի գնալու:
Եվ բոլոր փորձերը՝ անընդհատ հակասություններ փնտրել կամ հրահրել արհեստականորեն ԲՀԿ-ի և «Քաղաքացիական պայմանագրի» միջև, վստահ եմ՝ այս անգամ չի ստացվելու»: Ինչ վերաբերում է բովանդակային ընտրություններ անցկացնելուն. Նաիրա Զոհրաբյանի խոսքով՝ ընտրություններին բովանդակություն տալը կախված է քաղաքական ուժերից: «Եթե մենք՝ քաղաքական ուժերս, չզբաղվենք ամեն օր ապատեղեկատվություն մեկնաբանելով, այլ հնարավորություն տրվի հանրությանը ներկայացնելու տնտեսական, քաղաքական օրակարգ, վստահեցնում եմ, որ ընտրությունները կլինեն շատ բովանդակային»,- հավելեց նա:
Մանրամասները՝ տեսանյութում
