28.10.2026 | 13:33
«Ռուբեն թրեվըլ» տուրիստական գործակալությունից տպավորությունը չի փոխվում․ Էդգար Ղազարյանը՝ Ռուբինյանին․ ՏԵՍԱՆՅՈՒԹ
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
Քաղաքականություն
20.02.2026 | 20:13
Արտերկրում բնակվող ադրբեջանցի լրագրող, քաղաքացիական իրավունքների պաշտպան Էմին Հուսեյնովը, որը Մյունխենի անվտանգության համաժողովի շրջանակում հարցեր էր ուղղել Ադրբեջանի նախագահ Իլհամ Ալիևին ու նրա կնոջը՝ երկրի առաջին փոխնախագահ Մեհրիբան Ալիևային, նրանց մեղադրում է իր դեմ հարձակում կազմակերպելու մեջ։
«Մինչ Իլհամ Ալիևը Խաղաղության խորհրդի նիստում խոսում էր խաղաղության մասին, Ժնևի կենտրոնում երկու տղամարդիկ ինձ հետևում էին այնպես, որ լուրջ հիմքեր կային անհանգստանալու իմ անվտանգության համար։ Ընդամենը մի քանի օր առաջ Մյունխենում Իլհամ Ալիևի կինը՝ Մեհրիբան Ալիևան՝ Ադրբեջանի առաջին տիկինը և փոխնախագահը, հրապարակավ մաղթեց ինձ «առողջություն»՝ ակնհայտորեն սպառնալից տոնով։ Ես տեղի ունեցածը համարում եմ մահափորձ։ Ես հիմքեր ունեմ կասկածելու, որ Ալիևի ընտանիքն անմիջականորեն կապված է այս միջադեպի հետ»,- գրել է Հուսեյնովը X-ում։
Նա կոչ է արել ամերիկյան լրատվամիջոցներին ուշադրություն դարձնել այս իրավիճակին և Վաշինգտոնում գտնվելու ընթացքում այդ հարցն ուղղակիորեն ուղղել Իլհամ Ալիևին։
Թարգմանությունը՝ Էմմա Չոբանյանի
