07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Իրանի և Ռուսաստանի ռազմածովային ուժերը վաղը համատեղ զորավարժություններ կանցկացնեն
Քաղաքականություն
18.02.2026 | 14:47
Իրանի և Ռուսաստանի նավատորմերի մասնակցությամբ համատեղ ռազմածովային զորավարժությունները տեղի կունենան փետրվարի 19-ին Օմանի ծովում և Հնդկական օվկիանոսի հյուսիսում, հայտնել է զորավարժությունների պաշտոնական ներկայացուցիչ Հասան Մաքսուդլուն, գրում է IRNA-ն։
Նրա խոսքով՝ այս վարժանքների հիմնական նպատակներից են համատեղ ռազմածովային համագործակցության զարգացումը և երկու նավատորմերի միջև համագործակցության ամրապնդումը համատեղ գործողությունների պլանավորման և անցկացման գործում։
Մաքսուդլուն նշել է, որ այս զորավարժությունների անցկացումը ցույց է տալիս երկու երկրների ուշադրությունը Օմանի ծովում և Հնդկական օվկիանոսի հյուսիսում ստեղծված իրավիճակի նկատմամբ, ինչպես նաև կողմերի հանձնառությունը՝ ամրապնդելու ռազմածովային համագործակցությունը, հակազդելու միակողմանիությանը և աջակցելու այս տարածաշրջանում ծովային առևտրի անվտանգությանը։
Թարգմանությունը՝ Էմմա Չոբանյանի
