07.06.2026 | 13:56
Օտարերկրյա համարներից կեղծ ահազանգեր են տարածվել ընտրատեղամասերում ռումբերի մասին
Իրանը, ՌԴ-ն և Չինաստանը Հորմուզի նեղուցում զորավարժություններ կանցկացնեն
Քաղաքականություն
17.02.2026 | 14:54
Ռուսաստանը, Չինաստանը և Իրանը նավեր են ուղարկում Հորմուզի նեղուց՝ շուտով կայանալիք համատեղ զորավարժությունների համար, հայտարարել է Ռուսաստանի նախագահի օգնական Նիկոլայ Պատրուշևը, գրում է Ինտերֆաքսը։
«Հորմուզի նեղուցում, ուր Ռուսաստանը, Չինաստանը և Իրանն ուղարկել են իրենց նավերը, «Ծովային անվտանգության գոտի 2026» զորավարժություններն ապացուցել են իրենց արդիականությունը»,- ասել է նա։
Իրանը, Ռուսաստանը և Չինաստանը փետրվարի վերջին Հնդկական օվկիանոսի հյուսիսում կանցկացնեն «Անվտանգության գոտի» անվանումով ութերորդ համատեղ ռազմածովային զորավարժությունները, ավելի վաղ հաղորդել էր Tasnim լրատվական գործակալությունը։
Զորավարժություններին կմասնակցեն Իրանի ռազմածովային ուժերի, Իսլամական հեղափոխության պահապանների կորպուսի (ԻՀՊԿ) և Չինաստանի ու Ռուսաստանի ռազմածովային ուժերի նավերը։
«Անվտանգության գոտի» ռազմածովային զորավարժություններն անցկացվում են 2019 թվականից՝ Իրանի ռազմածովային ուժերի նախաձեռնությամբ։ Գործակալությունը նշում է, որ դրանք ուղղված են համաշխարհային ծովային առևտրի անվտանգության ամրապնդմանը։ Երեք երկրների համատեղ ռազմածովային գործողությունները ներառում են ծովահենության դեմ պայքարը, ծովային ահաբեկչության դեմ պայքարը և փրկարարական գործողությունների անցկացումը։
Թարգմանությունը՝ Էմմա Չոբանյանի
