03.07.2026 | 09:08
ԱԱ-2026. Շվեյցարիան դուրս եկավ 1/8 եզրափակիչ. ՏԵՍԱՆՅՈՒԹ
Քեմալ Օքսուզին Թուրքիային հանձնելու միջնորդությունը ստացվել է ԱՄՆ-ի միջնորդությունը բավարարելուց հետո. ՀՀ դատախազություն
Քաղաքականություն
12.11.2018 | 22:11
ՀՀ գլխավոր դատախազի ԶԼՄ-ի գծով խորհրդական Գոռ Աբրահամյանը անդրադառնալով Անկարայի գլխավոր դատախազության՝ Հայաստանին ուղղված պահանջին, այն է՝ Թուրքիային արտահանձնել «գյուլենական համարվող» ԱՄՆ քաղաքացի Քեմալ Օքսուզին, գրել է, որ Օքսուզին ԱՄՆ-ին արտահանձնելու միջնորդությունն ավելի վաղ էր ստացվել:
«Հայաստանի Հանրապետության գլխավոր դատախազի կողմից որոշում է կայացվել Քեմալ (Քևին) Օքսուզի նկատմամբ քրեական հետապնդում իրականացնելու նպատակով Ամերիկայի Միացյալ Նահանգների իրավասու մարմիններին հանձնումը թույլատրելու վերաբերյալ:
Հայաստանի Հանրապետության իրավասու մարմիններին հանձնարարվել է իրականացնել Ք. Օքսուզի
փոխանցումը ԱՄՆ իրավասու մարմիններին:
Միաժամանակ Թուրքիայի Հանրապետության իրավասու մարմիններին հայտնվել է, որ Ք. Օքսուզին քրեական հետապնդման ենթարկելու նպատակով Թուրքիայի Հանրապետության իրավասու մարմիններին հանձնելու մասին միջնորդությունը ստացվել է Հայաստանի Հանրապետության գլխավոր դատախազի կողմից նրա նկատմամբ քրեական հետապնդում իրականացնելու նպատակով Ամերիկայի Միացյալ Նահանգների իրավասու մարմիններին հանձնումը թույլատրելու վերաբերյալ որոշում կայացնելուց հետո»,- գրել է նա:
