27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Հարություն Հարությունյանն ավարտեց ելույթը ձմեռային Օլիմպիական խաղերում
16.02.2026 | 18:48
Իտալական Միլանում և Կորտինա դ’Ամպեցոյում շարունակվող 25-րդ ձմեռային Օլիմպիական խաղերի լեռնադահուկային սպորտի մրցաշարում Հայաստանի միակ ներկայացուցիչ Հարություն Հարությունյանն ավարտեց ելույթը։
Ոլորավայրէջքում հայ լեռնադահուկորդը չկարողացավ արդյունք գրանցել։ Առաջին փորձից հետո Հարությունյանը 1:10.12 արդյունքով 37-րդն էր, սակայն երկրորդ փորձի ժամանակ խախտում թույլ տվեց ու որակազրկվեց։
Մի շարք լեռնադահուկորդներ, այդ թվում՝ հսկա ոլորավայրէջքում օլիմպիական չեմպիոն դարձած բրազիլացի Լուկաս Պինեյրո Բրոտենը, չկարողացան հատել եզրագիծը։ Օլիմպիական չեմպիոն դարձավ Լոիկ Մեյարը, ավստրիացի Ֆաբիան Գշտայնը գրավեց երկրորդ տեղը, իսկ նորվեգացի Հենրիկ Կրիստոֆերսոնն արժանացավ բրոնզե մեդալի։
Փետրվարի 14-ին Հարություն Հարությունյանը հանդես էր եկել հսկա ոլորավայրէջքում և 81 մասնակցի մեջ գրավել էր 59-րդ տեղը։
Ձմեռային Օլիմպիական խաղերում Հայաստանի վերջին ներկայացուցիչներ Կարինա Ակոպովան ու Նիկիտա Ռախմանինը գեղասարքի մրցաշարի սպորտային զույգերի ազատ ծրագրում հանդես կգան փետրվարի 16-ին։ Կարճ ծրագրից հետո նրանք 12-րդ տեղում են։
Ավելի վաղ պայքարն ավարտել էին նաև դահուկորդներ Կատյա Գալստյանը և Միքայել Միքայելյանը։
