01.04.2026 | 17:22
Հայաստանի հավաքականը նահանջել է ՖԻՖԱ-ի դասակարգման աղյուսակում
Բրազիլիան առաջին ոսկե մեդալը նվաճեց ձմեռային Օլիմպիական խաղերի պատմության մեջ․ ՏԵՍԱՆՅՈՒԹ
14.02.2026 | 19:27
Իտալիայում ընթացող 25-րդ ձմեռային Օլիմպիական խաղերի լեռնադահուկային սպորտի հսկա ոլորավայրէջքում չեմպոնի տիտղոսը նվաճեց Բրազիլիան ներկայացնող Լուկաս Պինեյրո Բրոտենը։ 25-ամյա մարզիկը նվաճեց Բրազիլիայի առաջին ոսկե մեդալը ձմեռային Օլիմպիական խաղերի պատմության մեջ։ Նա լավագույն արդյունքը գրանցեց ինչպես առաջին, այնպես էլ երկրորդ փորձի ժամանակ (2.25,0)։
Պինեյրո Բրոտենը մինչև 2024 թվականը հանդես է եկել Նորվեգիայի դրոշի ներքո, իսկ Բրազիլիայի հավաքականում նորամուտը նշել է 2024թ․ հոկտեմբերին։
Այս մրցաձևում օլիմպիական փոխչեմպիոն դարձավ շվեյցարացի Մարկո Օդերմատը, լավագույ եռյակը եզրափակեց Շվեյցարիայի մեկ այլ ներկայացուցիչ Լոիկ Մեյարը։
Հայաստանի ներկայացուցիչ Հարություն Հարությունյանը 2:50.58 արդյունքով գրավեց 59-րդ տեղը։ Առաջին փորձից հետո հայ լեռնադահուկորդը 63-րդն էր (1:28.91), երկրորդի ժամանակ բարելավեց դիրքը (1:21.67)։
Փետրվարի 16-ին Հարություն Հարությունյանը կմասնակցի նաև ոլորավայրէջքի մրցմանը։
Հայաստանի ներկայացուցիչներից հաջորդը հանդես կգան գեղասահորդներ Կարինա Ակոպովան ու Նիկիտա Ռախմանինը, որոնք սպորտային զույգերի կարճ ծրագրի որակավորման փուլում ելույթ կունենան փետրվարի 15-ին:
Ձմեռային Օլիմպիական խաղերում պայքարն արդեն ավարտել են դահուկորդներ Կատյա Գալստյանը և Միքայել Միքայելյանը։
