Նավալնիի հիշատակի միջոցառումներ են տեղի ունենում ամբողջ աշխարհում. Ռուսաստանում ձերբակալվածներ կան

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ռուսաստանի տարբեր քաղաքներում և արտերկրում հիշատակի միջոցառումներ են տեղի ունենում ռուսաստանցի ընդդիմադիր գործիչ Ալեքսեյ Նավալնիի մահվան երկրորդ տարելիցի կապակցությամբ, գրում է The Insider-ը։

Տասնյակ մարդիկ, այդ թվում՝ Գերմանիայի, Իտալիայի, Իսպանիայի, Լատվիայի և այլ արևմտյան երկրների դիվանագիտական ​​առաքելությունների ներկայացուցիչներ, հավաքվել են Մոսկվայի Բորիսովսկոյե գերեզմանատանը, որտեղ թաղված է Նավալնին, հաղորդում է SotaVision-ը։ Գերեզմանատանն են եղել Ալեքսեյի և Յուլիա Նավալնայայիի մայրերը՝ Լյուդմիլա Նավալնայան և Ալլա Աբրոսիմովան։

Հիշատակի կարգը կատարել է քահանա Դմիտրի Սաֆրոնովը։ 2024 թվականին պատրիարք Կիրիլը նրան երեք տարով հեռացրել է քահանայական ծառայությունից՝ ընդդիմության առաջնորդի համար նախկինում կազմակերպված հուղարկավորության արարողության պատճառով։

Գերեզմանոցի մոտ «Ռոսգվարդիա»-ի մի քանի մեքենաներ են եղել, նաև «Center E»-ի դիմակավորված սպաներ են հերթապահել:

«Գերեզման այցելելը սարսափելի չէ, քանի որ նա չէր վախենում, ես էլ չեմ վախենում: Ես Ալեքսեյին ավելի հաճախ եմ այցելում, քան իմ հարազատներին: Ես իսկապես կարոտում եմ նրան, երբ երկար ժամանակ չեմ այցելում գերեզման: Երբ այնտեղ եմ լինում, փորձում եմ այն ​​կարգի բերել և ավելի շատ մարդկանց հավաքել ինձ հետ: Նա մեզ ցույց տվեց քաջության, ազնվության և հումորի օրինակ: Սա մեծ նվեր է մեզ բոլորիս համար»,- The Insider-ին ասել է գերեզմանոցի այցելուներից մեկը։

Ըստ SotaVision-ի՝ Նավալնիի մահվան տարելիցի առթիվ ծաղիկներ են դրվել նաև Սոլովեցկի քարի մոտ՝ Լյուբյանկայիի հրապարակում գտնվող ԱԴԾ շենքի մոտ, որը քաղաքական բռնաճնշումների զոհերի ամենահայտնի հուշարձաններից  է:

Քաղաքացիները նաև ծաղիկներ, մոմեր և գրություններ են տարել Սանկտ Պետերբուրգում, Բառնաուլում, Նովոսիբիրսկում, Վլադիվոստոկում, Պերմում, Գորնո-Ալթայսկում և Ռուսաստանի այլ քաղաքներում քաղաքական բռնաճնշումների զոհերի հիշատակին նվիրված հուշարձաններին։

«Ալեքսեյ, մենք քեզ հիշում ենք։ Հիմա քո անունը հավերժ կապրի։ Դու առաջնորդ էիր, բայց դու դրոշ դարձար։ Եվ քո հիշողությունը չի կարող ջնջվել։ Հ.Գ.՝ Քեզանից ավելի քաջ և համբերատար մարդ չկա»,- ասվում է Գորնո-Ալթայսկի հուշահամալիրի մոտ թողնված գրություններից մեկում։

Գրելու պահին հայտնի էր, որ առնվազն երկու մարդ է ձերբակալվել։ Վոլգոգրադում մի տղամարդ ձերբակալվել է քաղաքական բռնաճնշումների զոհերի հուշարձանի մոտ՝ առանց բացատրության։ Նրան տարել են 4-րդ ոստիկանական բաժանմունք։

Սանկտ Պետերբուրգում ոստիկանությունը ձերբակալել է մի տղամարդու՝ Վոսկրեսնայա ափին քաղաքական բռնաճնշումների զոհերի հուշարձանը լուսանկարելու համար։ Նա լրագրողներին ասել է, որ իրեն տարել են 76-րդ ոստիկանական բաժանմունք և պատրաստվում են տուգանել։ Սանկտ Պետերբուրգում մարդկանց արգելվել է մոտենալ հուշահամալիրին՝ վերանորոգման աշխատանքների պատրվակով: Հուշարձանը ցանկապատվել է շղթայական ցանկապատով, տեղադրվել է կռունկ, իսկ մոտակայքում ոստիկաններ են հերթապահել՝ ըստ ականատեսի։

Հուշատակի միջոցառումներ են անցկացվում նաև արտերկրում: Այսօր առավոտյան գերմանական Դյուսելդորֆի ռուսախոս բնակիչներն այրել են էկվադորցի գորտի լուսանկարը, ծաղիկներ և մոմե դրել, ինչպես նաև պաստառներ են տեղադրել՝ «Մենք չենք մոռանա, մենք չենք ներելու» գրությամբ, նաև Ալեքսեյ Նավալնիի լուսանկարները:

Ընդհանուր առմամբ, բողոքի ցույցեր են նախատեսված 39 երկրների առնվազն 112 քաղաքներում՝ Արգենտինայից մինչև Վիետնամ։

Թբիլիսիում, օրենսդրական փոփոխությունների պատճառով, ոստիկանությունն արգելել է ռուսներին Նավալնիի հիշատակին նվիրված հանրահավաք անցկացնել, հայտնել են Frame համայնքի ակտիվիստները։ Միջոցառումը տեղափոխվել է փակ տարածք։

Ալեքսեյ Նավալնին մահացել է 2024 թվականի փետրվարի 16-ին Յամալո-Նենեց ինքնավար օկրուգի Խարպ գյուղի թիվ 3 ուղղիչ գաղութում: Փետրվարի 14-ին Մեծ Բրիտանիայի, Շվեդիայի, Ֆրանսիայի, Գերմանիայի և Նիդերլանդների կողմից պատվիրված փորձաքննությունը Նավալնիի կենսաբանական վտանգի նմուշներում հայտնաբերել է էպիբատիդին (հարավաֆրիկյան գորտի մաշկից ստացվող թույն): Նույն օրը հինգ երկրների արտաքին գործերի նախարարությունները պաշտոնական մամուլի հաղորդագրություն տարածեցին, որում նշվում էր, որ հաշվի առնելով էպիբատիդինի թունավորությունը և նկարագրված ախտանիշները, «մահվան պատճառը, ամենայն հավանականությամբ, թունավորումն է եղել»:

Թարգմանությունը՝ Էմմա Չոբանյանի