28.07.2026 | 09:32
Նավթի գները նվազել են
Կրեմլը կտրականապես հերքում է Նավալնիի թունավորման մեղադրանքները
Քաղաքականություն
16.02.2026 | 15:18
Կրեմլը կտրականապես հերքում է ընդդիմադիր գործիչ Ալեքսեյ Նավալնիի թունավորման մեղադրանքները։ ՌԴ նախագահի մամուլի քարտուղար Դմիտրի Պեսկովը լրագրողների խնդրանքով մեկնաբանել է Մյունխենի անվտանգության համաժողովի շրջանակում մի քանի երկրների կողմից տարածված համատեղ հայտարարությունը, որում նշվում է, որ Նավալնին թունավորվել է էպիբատինով, և որ միայն ռուսական պետությունն ուներ այն օգտագործելու հնարավորություն, գրում է Ինտերֆաքսը։
Հարցին՝ ինչպե՞ս է Կրեմլն արձագանքում այս հայտարարությանը, Պեսկովը պատասխանել է․ «Շատ բացասական։ Մենք, բնականաբար, չենք ընդունում նման մեղադրանքները. մենք համաձայն չենք դրանց հետ, դրանք համարում ենք կողմնակալ և որևէ բանով չհիմնավորված։ Եվ, ըստ էության, մենք վճռականորեն մերժում ենք դրանք»։
Փետրվարի 14-ին Մեծ Բրիտանիան, Շվեդիան, Ֆրանսիան, Գերմանիան և Նիդերլանդները համատեղ հայտարարություն էին տարածել, որում նշվում է, որ Ալեքսեյ Նավալնին թունավորվել է ռուսական գաղութում էպիբատինով, որը հարավաֆրիկյան գորտից ստացված թույն է։ Նման եզրակացության են հանգել անկախ հետազոտողները, որոնք վերլուծել են ռուս քաղաքական գործչի՝ ընտանիքի կողմից ստացված բիոպսիայի նմուշները։
Մեծ Բրիտանիայի արտաքին գործերի նախարար Իվետ Քուփերը Մյունխենի անվտանգության համաժողովում հայտարարել է, որ միայն Ռուսաստանի կառավարությունը կարող էր թունավորել Նավալնիին բանտում։
Թարգմանությունը՝ Էմմա Չոբանյանի
