09.06.2026 | 00:17
Մարկո Ռուբիոն շնորհավորել է Փաշինյանին
Դավիթ Հարությունյանը չի առաջադրվելու. կղեկավարի ՀՀԿ շտաբը
Քաղաքականություն
12.11.2018 | 18:22
ՀՀ արդարադատության նախկին նախարար, Հանրապետական կուսակցության անդամ Դավիթ Հարությունյանը կուսակցության ոչ համամասնական, ոչ տարածքային ցուցակներով չի առաջադրվելու: Factor.am-ի հետ զրույցում ՀՀԿ-ական Դավիթ Հարությունյանը հաստատեց լուրը:
Թե որն է պատճառը մեզ պարզել չհաջողվեց, Հարությունյանն ասաց՝ ծանրաբեռնված է և չի կարող հարցերի պատասխանել:
Փոխարենը տեղեկացրեց, որ արտահերթ խորհրդարանական ընտրություններին ղեկավարելու է ՀՀԿ նախընտրական շտաբը:
Հանրապետական կուսակցությունը երեկ տեղի ունեցած խորհրդի նիստից հետո պաշտոնապես հայտարարեց ընտրություններին մասնակցելու մտադրության մասին՝ նշելով, որ նպատակ ունեն դառնալու մեծությամբ երկրորդ քաղաքական ուժը: Նախընտրական ցուցակը, ինչպես նախորդ ընտրություններին, այս անգամ էլ գլխավորելու է Վիգեն Սարգսյանը:
Factor.am-ն ավելի վաղ գրել էր՝ առաջին հնգյակում լինելու են նաև Արմեն Աշոտյանը, Արփինե Հովհաննիսյանը, Էդուարդ Շարմազանովը:
