26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
«Երևան ջազ-ֆեստ» փառատոնի շրջանակում կկայանա Օլեգ Լունդստրեմի ջազ նվագախմբի և Հայաստանի պետական ջազ նվագախմբի համատեղ համերգը
Մշակույթ
12.11.2018 | 17:45
ՀՀ մշակույթի նախարարության տարեկան միջազգային ծրագրերի համատեքստում՝ ս. թ. նոյեմբերի 20-ին, ժամը 19:30-ին, «Արամ Խաչատրյան» համերգասրահում կկայանա Օլեգ Լունդստրեմի ջազ նվագախմբի և Հայաստանի պետական ջազ նվագախմբի համատեղ համերգը: Համերգի ընթացքում կներկայացվեն համաշխարհային և հայկական ջազային երաժշտական ժառանգության լավագույն նմուշները:
Ծրագիրն իրականացվում է Հայաստանի պետական ջազ նվագախմբի հոբելյանական միջոցառումների և «Երևան ջազ-ֆեստ» փառատոնի շրջանակում:
Օ. Լունդստրեմի ջազ նվագախումբը հիմնվել է 1934 թվականին, Հարբինում, երբ 9 երիտասարդ երաժիշտ՝ Օլեգ Լունդստրեմի ղեկավարությամբ որոշեցին ստեղծել իրենց ջազ նվագախումբը: Շուտով նվագախումբը տեղափոխվում է Շանհայ, ապա վերադառնում պատմական հայրենիք՝ Սովետական Միություն: Օ. Լունդստրեմի ջազ նվագախումբը ընդգրկվել է Ռուսաստանի Գինեսի ռեկորդների գրքում՝ որպես ամենաերկար պատմություն ունեցող նվագախումբ: 2005 թվականին մաեստրոյի մահից հետո, նվագախումբը դարձավ Լունդստրեմի անվան ջազ նվագախումբ, իսկ գեղարվեստական ղեկավար նշանակվեց հայտնի երաժիշտ և երգահան Բորիս Ֆրումկինը:
