25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
ՀՀ-ից անօրինական Ադրբեջան անցած Իրաքի քաղաքացին Բաքվում 1 տարվա ազատազրկման է դատապարվել
Քաղաքականություն
13.02.2026 | 18:44
Իրաքի քաղաքացին՝ 2002 թվականին ծնված Ալի Էմադ Աթթալլահ Բադրավին, որը փորձել էր անօրինական կերպով Հայաստանից Ադրբեջան էր անցել, Կուբաթլուի շրջանային դատարանի որոշմամբ դատապարտվել է 1 տարի 1 ամիս ժամկետով ազատազրկման։ Ադրբեջանական լրատվամիջոցների հաղորդմամբ՝ դատարանում Բադրավին նշել է, թե ինչու է ցանկացել Հայաստանից անցնել Ադրբեջան։
«Ես ազգությամբ թուրքմեն եմ։ 2013 թվականին ընտանիքիս հետ տեղափոխվեցի Թուրքիա՝ մշտական բնակության և աշխատելու։ Սակայն ֆինանսական վիճակի պատճառով վերադարձա Իրաք և աշխատեցի շինարարության ոլորտում։ Այնուհետև որոշեցի մեկնել մեկ այլ երկիր՝ ավելի լավ եկամուտ ստանալու համար։ Իմացա, որ հնարավոր է Հայաստան գնալ ամենաէժան վիզայով և տոմսով։ Արդյունքում, 2022 թվականին գնեցի վիզա 10 դոլարով և ավտոբուսի տոմս՝ 50 դոլարով և Իրաքից մեկնեցի Իրան, իսկ այնտեղից՝ Հայաստան։ Հայաստանում տարբեր աշխատանքներ կատարեցի, բայց ինձ աշխատավարձ չվճարեցին։ Գործատուն ինձ ծեծեց մորս հետ հեռախոսով թուրքերեն խոսելու համար»,- ըստ ադրբեջանական կողմի՝ ասել է Բադրավին։
Դրանից հետո նա որոշել է լքել Հայաստանը։ Նշվում է, թե հայ սահմանապահները, իբր, ասել են, որ նա պետք է վճարի 2000 դոլար տուգանք Հայաստանում անօրինական ապրելու համար։
«Քանի որ ես գումար չունեի, ինձ թույլ չտվեցին մտնել Իրան, և ասացին, որ ես կարող եմ լքել Հայաստանը միայն տուգանքը վճարելուց հետո։ Ես վերադարձա Մեղրի քաղաք, և քանի որ կարծում էի, որ այնտեղ ապրելը վտանգավոր է, որոշեցի անօրինական կերպով հատել սահմանը։ Որոշ ուսումնասիրություններ կատարելուց հետո իմացա, որ Հայաստանը սահման ունի Ադրբեջանի հետ։ Ես ավտոբուսով գնացի սահմանի մոտ գտնվող մի գյուղ, ապա օգտագործեցի «Google map» հավելվածը՝ երկու երկրների սահմանին մոտենալու համար։ Ես երեք օր մնացի անտառում։ Սեպտեմբերի 1-ին, որոշ ժամանակ քայլելուց հետո, տեսա ադրբեջանական դրոշ։ Արդյունքում ինձ ձերբակալեցին սահմանապահները»,- ասել է նա։
Թարգմանությունը՝ Էմմա Չոբանյանի
