30.07.2026 | 23:29
Խուդաթյանն Իրանի ԱԳ նախարարի տեղակալի հետ քննարկել է էներգետիկ և տրանսպորտային համագործակցությունը
Ադրբեջանցի սահմանապահները Հայաստանից Ադրբեջան սահմանն անօրինական հատելու փորձի ժամանակ Իրաքի քաղաքացու են ձերբակալել
Քաղաքականություն
02.09.2025 | 15:01
Իրաքի քաղաքացի է ձերբակալվել Հայաստանից Ադրբեջան պետական սահմանն անօրինական հատելու փորձի ժամանակ։ Այս մասին հայտնել է Ադրբեջանի պետական սահմանապահ ծառայությունը։
Գերատեսչության տվյալներով՝ միջադեպը տեղի է ունեցել սեպտեմբերի 1-ին՝ «Կուբաթլի» առանձին սահմանային դիվիզիայի տարածքում։ Սահմանապահը նկատել է սահմանախախտին, որը փորձել է Հայաստանից հատել սահմանը։
«Դժվարանցանելի տեղանքով դժվար լեռնային և անտառապատ տարածքում իրականացված օպերատիվ գործողությունների արդյունքում ձերբակալվել է Իրաքի քաղաքացի Ալի Էմադ Աթթալլահ Բադրավին՝ ծնված 2002 թվականին։ Այս փաստի առթիվ շարունակվում են օպերատիվ-հետախուզական միջոցառումները»,- ասվում է գերատեսչության հայտարարության մեջ։
Թարգմանությունը՝ Էմմա Չոբանյանի
