28.07.2026 | 11:14
Թրամփն այսօր Սպիտակ տանը կհանդիպի Զելենսկիի և Նեթանյահուի հետ․ Ուկրաինայի նախագահն արդեն ժամանել է ԱՄՆ
Դեսպան Բալայանը ԵՄ հանձնաժողովում քննարկել է Հայաստան-ԵՄ համագործակցության օրակարգը
Քաղաքականություն
12.02.2026 | 22:56
Բելգիայում Հայաստանի դեսպան և Եվրոպական Միությունում Հայաստանի ներկայացուցչության ղեկավար Տիգրան Բալայանը հանդիպել է Եվրոպական հանձնաժողովի նախագահի դիվանագիտական հարցերով գլխավոր խորհրդական Սայմոն Մորդյուի հետ։ Հանդիպման ընթացքում քննարկվել են Հայաստան-Եվրամիություն ընդլայնվող գործընկերությանը, ինչպես նաև բարձրաստիճան փոխայցելություններին առնչվող հարցեր։ Այս մասին տեղեկացնում են Բելգիայում ՀՀ դեսպանությունից։
Կողմերը մտքեր են փոխանակել նաև մայիսին Երևանում նախատեսվող Եվրոպական քաղաքական համայնքի և Հայաստան-Եվրամիություն գագաթնաժողովների կազմակերպչական ու բովանդակային հարցերի շուրջ։Անդրադարձ է կատարվել հարավկովկասյան տարածաշրջանի վերջին զարգացումներին և խաղաղության օրակարգի շրջանակում բացվող նոր հնարավորություններին։
