30.09.2026 | 20:12
Թուրքիան և Ադրբեջանը պաշտպանական արդյունաբերության ոլորտում 500 մլն դոլարի պայմանագրեր են ստորագրել
Իրանը չի ձգտում ատոմային զենքի. Փեզեշքիանը հայտարարել է, որ չեն զիջի չափազանց պահանջներին
Քաղաքականություն
11.02.2026 | 16:12
Իրանի նախագահ Մասուդ Փեզեշքիանը հայտարարել է, որ Թեհրանը «չի զիջի չափազանց պահանջներին» իր միջուկային ծրագրի վերաբերյալ՝ Իրանի և Միացյալ Նահանգների միջև բանակցությունների վերսկսումից հետո, գրում է Al Arabiya-ն:
«Մեր երկիրը՝ Իրանը, չի զիջի նրանց չափազանց պահանջներին։ Մեր Իրանը չի հանձնվի ագրեսիայի առջև, բայց մենք շարունակում ենք երկխոսությունը հարևան երկրների հետ՝ տարածաշրջանում խաղաղություն և անդորրություն հաստատելու համար»,- ասել է նա Թեհրանի Ազադի հրապարակում Իրանի Իսլամական հեղափոխության 47-ամյակի կապակցությամբ ունեցած ելույթում, որը նշվում է Միացյալ Նահանգների կողմից ռազմական սպառնալիքների ֆոնին։
Փեզեշքիանը նաև ասել է, որ Թեհրանը պատրաստ է իր միջուկային ծրագրի «ցանկացած ստուգման» և պնդել, որ չեն ձգտում ատոմային զենքի։
«Մենք չենք ձգտում միջուկային զենք ձեռք բերել։ Մենք դա բազմիցս հայտարարել ենք և պատրաստ ենք ցանկացած ստուգման»,- հայտարարել է նա։
Թարգմանությունը՝ Էմմա Չոբանյանի
