15.08.2026 | 12:45
Ինդոնեզիայում 7,7 մագնիտուդով երկրաշարժ է տեղի ունեցել․ առնվազն 20 զոհ կա
«Պաշտպան հայրենյաց» ծրագրով զինծառայողներ կան, որոնք 700 հազար դրամից ավելի աշխատավարձ են ստանում․ ՏԵՍԱՆՅՈՒԹ
Հասարակություն
11.02.2026 | 10:44
«Սպաների մասով առիթ եմ ունեցել հնչեցնելու, որ գերազանց գնահատական ստանալու պարագայում, ըստ ուղղվածությունների, նրանց աշխատավարձը կարող է տատանվել 620 հազարից մինչև 750 հազար»,- այս մասին ԱԺ լիագումար նիստի ժամանակ հայտնեց պաշտպանության նախարար Սուրեն Պապիկյանը։
«Բայց կարող ենք ունենալ ստորաբաժանումներ անգամ, որ այս 750-ից զատ, եթե անցկացնեն նաև այլ պայմաններում ծառայություններ, նրանց աշխատավարձը ավելի բարձրանալու հնարավորություն կունենա, ընդհուպ՝ 820 հազար։ Բայց սրանք կարող են հաճախ լինել մասնավոր դեպքեր, որովհետև վերաբերելի կարող են լինել միայն այն մարդկանց, ովքեր ունեն գերազանց առաջադիմություն և համընկնում են իմ նշված պայմաններին։ Երկրորդը, ինչ վերաբերում է «Պաշտպան հայրենյաց» ծառայող գործընկերներին, այն կարող է տատանվել 420 հազարից մինչև 550 հազարի սահմաններում, բայց նաև մարտական տարբեր ծառայություններ իրականացնելու պայմաններում այդ թվերը կարող են նաև բարձրանալ»,- նշեց Պապիկյանը։
Նրա խոսքով՝ այսօր էլ Զինված ուժերում, կախված իրենց մարտական ծառայությունից ու նաև զբաղեցրած պաշտոնից, զորատեսակից, «Պաշտպան հայրենյաց» ծրագրով զինծառայողներ կան, որոնք 700 հազար դրամից ավելի աշխատավարձ են ստանում։
Մանրամասները՝ տեսանյութում։
