19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Արման Թաթոյանը Մոսկվայում ներկայացրել է Հայաստանի մարդու իրավունքների պաշտպանի վերաբերյալ օրենսդրական նոր կարգավորումները
Հասարակություն
12.11.2018 | 10:49
ՀՀ մարդու իրավունքների պաշտպան Արման Թաթոյանը նոյեմբերի 8-9 Մոսկվայում մասնակցել է «Մարդու իրավունքների պաշտպանության հիմնախնդիրները եվրասիական հարթությունում. օմբուդսմանների լավագույն փորձի փոխանակում» խորագրով համաժողովին։
Միջազգային համաժողովը կազմակերպվել է Ռուսաստանի Դաշնությունում մարդու իրավունքների հանձնակատարի կողմից՝ նվիրված ՄԱԿ-ի Մարդու իրավունքների համընդհանուր հռչակագրի 75-ամյակին և ՌԴ Սահմանադրության 25-ամյակին: Արման Թաթոյանն իր ելույթում ընդգծել է ՌԴ հանձնակատարի հետ համագործակցության բարձր մակարդակը և ՌԴ-ում բնակվող ՀՀ քաղաքացիների իրավունքների պաշտպանության հարցում նրա հետ համատեղ աշխատանքը:
Համաժողովին մասնակցել են Ռուսաստանի, Իրանի, Հունաստանի, Սերբիայի, Ալբանիայի և այլ երկրների մարդու իրավունքների ազգային հաստատությունների, ինչպես նաև միջազգային և դիվանագիտական կառույցների, գիտական հաստատությունների, քաղաքացիական հասարակության կազմակերպությունների ղեկավարներ։
Համաժողովի ընթացքում Արման Թաթոյանը ներկայացրել է Հայաստանի մարդու իրավունքների պաշտպանի վերաբերյալ օրենսդրական նոր կարգավորումները և դրանց գործադրման փորձը։ Միջոցառման մասնակիցները կարևորել են Պաշտպանի աշխատանքի սկզբունքներն ապրիլ-մայիս ամիսներին Հայաստանում տեղի ունեցած իրադարձությունների ժամանակ, ՀՀ սահմանադրական դատարան հատուկ կարծիքներ ներկայացնելու ու որոշումների կատարմանը նպաստելու, Մարդու իրավունքների եվրոպական դատարանում երրորդ կողմ հանդես գալու և վճիռների կատարմանը նպաստելու պրակտիկան և այլն։
Համաժողովին հաջորդող օրը տեղի է ունեցել Օմբուդսմանների եվրասիական դաշինքի տարեկան նիստը, որի ընթացքում քննարկվել են դաշինքի հետագա գործունեությանն առնչվող կարևոր հարցեր։
