14.07.2026 | 21:55
ԱԱ-2026. Ֆրանսիա – Իսպանիա. Մեկնարկային կազմերը
Ոստիկանի կողմից քաղաքացուն բռնության ենթարկելու դեպքով քրեական վարույթ է նախաձեռնվել
05.02.2026 | 13:41
Քրեական վարույթ է նախաձեռնվել քաղաքացուն բռնության ենթարկելու դեպքի առթիվ։ Այս մասին Factor.am-ի հարցմանն ի պատասխան հայտնեցին Մարդու իրավունքների պաշտպանի գրասենյակից։
Նշենք, որ Քննչական կոմիտեն արդեն 3-րդ օրն է` չի հաստատում` վարույթ կա, թե` ոչ։
Factor.am-ի հետևողական հարցադրումներից հետո միայն ՄԻՊ Անահիտ Մանասյանը կառավարության նիստից հետո պարտավորություն ստանձնեց ճշտել` վարույթ կա, թե` ոչ։
Հիշեցնենք` երեք օր առաջ համացանցում կադրեր են տարածվել, որտեղ Քրեական ոստիկանության Երևանի վարչության ծառայող Հայկ Հակոբյանը հայհոյանքներ հնչեցնելով հարվածներ է հասցնում քաղաքացուն։ Թե ինչ հոդվածով է վարույթը նախաձեռնվել` այս պահին մեզ հայտնի չէ։
Քաղհասարակության ներկայացուցիչները նշում են` առավել քան կարևոր է, որ քրեական վարույթը նախաձեռնվի հենց խոշտանգման, այլ ոչ թե լիազորությունների չարաշահման հոդվածով։
Նարեկ Կիրակոսյան
