Քաղաքականություն
10.11.2018 | 13:35
«Հանրապետություն» և «Ազատ դեմոկրատներ» կուսակցություններն այսօր՝ նոյեմբերի 10-ին, ստորագրեցին համագործակցության հուշագիր՝ ԱԺ արտահերթ ընտրություններին «Մենք» դաշինքով ներկայանալու վերաբերյալ:
Արամ Սարգսյանը շնորհավորեց դաշինքի ստեղծման կապակցությամբ և հույս հայտնեց, որ այս դաշինքը կկարողանա ծավալել բուռն գործունեություն:
Խաչատուր Քոքոբերլյանն էլ նշեց, որ ունենալով ընդդիմադիր գործունեության տարիների փորձ, վստահեցնում է՝ լինելու են այսօրվա իշխանության գլխավոր ընդդիմախոսը:
«Մենք հավակնում ենք լինել իշխանությունների գլխավոր այն ընդդիմախոսը, որը բովանդակային առումով և բառացիորեն ՀՀ տեսլականի առումով նոր թարմություն կբերի: Այն քաղաքական ուժն ենք հավակնում լինել, և վստահաբար արդեն այդպիսին կանք, որ կօժանդակի այն փոփոխություններին, որ այսօր կառավարությունը նախաձեռնել է»,- ասաց Քոքոբելյանը:
