Դավիթ Խուդաթյանը՝ 15 ջրամբար կառուցելու Կառավարության խոստումը չկատարելու մասին

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Տարածքային կառավարման և ենթակառուցվածքների նախարարությունը դեռ նոր մրցույթ չի հայտարարել Կապսի ջրամբարի ձախողված շինաշխատանքները վերսկսելու համար, թեև աշխատանքները դադարեցված են արդեն շուրջ երկու ամիս։ Այսօրվա ասուլիսում նախարար Դավիթ Խուդաթյանը պատասխանելով Factor TV-ի հարցին առանց հստակեցման նշեց, որ առաջիկայում է հայտարարվելու մրցույթ։

«Առաջիկայում մրցութային կարգով կընտրենք այլ կապալառու ընկերություն, և նոր կկարողանամ աշխատանքների ավարտի մասով ժամկետներ ասել»,- նշեց նա։

Հիշեցնենք՝ Factor.am-ն ավելի վաղ գրել էր, որ դեռ նախորդ տարվա դեկտեմբերի սկզբին կասեցվել են Կապսի ջրամբարի կառուցման աշխատանքները։ Նախարարությունը պայմանագիրը խզել էր կառուցապատող ընկերության հետ, քանի որ, ըստ գերատեսչության, աշխատանքներն իրականացվում էին ժամկետների խախտումներով։

Նշենք, որ շինաշխատանքներն իրականացնում էր չինական «Շանսի Քոնսթրաքշն Ինվեսթմենթ Գրուպ»-ը։ Նախատեսվում էր դրանք ավարտել 2026-ի ապրիլին։ Ջրամբարի շինարարության համար գերմանական KfW բանկը 68.5 մլն եվրոյի վարկ է տրամադրել, ևս 26.7 մլն եվրո էլ հատկացրել է Հայաստանի կառավարությունը։ Առաջին փուլով նախատեսվում է, որ ջրամբարը 25 մլն խորանարդ մետր ծավալ կունենա, երկրորդ փուլում արդեն տարողությունը պետք է հասնի 60 մլն խորանարդ մետրի:

ՀՀ կառավարության 2021-26 թվականների ծրագրով նախատեսվում էր ՀՀ-ում 15 ջրամբար կառուցել։ Այս ժամանակահատվածում կառուցվել է մեկը՝ Վեդիինը։ Նախարար Դավիթ Խուդաթյանն այսօր պատասխանելով Factor TV-ի հարցին, որ, ըստ էության, Կառավարության այս խոստումը չի իրականացվել, նշեց, որ դա պայմանավորված է կառուցապատող ընկերությունների խնդրով։

«Կապալառու ընկերություններն ընտրվում են մրցույթով, նույնիսկ Կառավարության մեծ ցանկության դեպքում, մենք չենք կարող երաշխավորել ժամկետները»,- ասաց նա։

Հիշեցնենք, որ դեռևս 2025-ի տարեվերջին Factor.am-ն անդրադարձել էր խնդրին՝ արձանագրելով, որ 15 փոքր և միջին ջրամբար կառուցելու Նիկոլ Փաշինյանի կառավարության խոստումներից միայն մեկն էր կառուցված՝ Վեդիի ջրամբարը․ այն լցված է շուրջ 2 մլն խորանարդ մետր ջրով, իսկ ջրամբարի ամբողջական ծավալը մոտ 30 մլն մ³ է։

Նարեկ Կիրակոսյան