20.05.2026 | 16:56
Դիմել եմ ՌԴ դեսպանատուն պարզաբանում ստանալու համար. Նարեկ Կարապետյանը` ՌԴ քաղաքացի լինելը հերքում է․ ՏԵՍԱՆՅՈՒԹ
Թրամփը Թեհրանի հետ գործարքի հույս ունի` չնայած «տարածաշրջանային պատերազմի» մասին Խամենեիի նախազգուշացումներին
Քաղաքականություն
02.02.2026 | 12:22
ԱՄՆ նախագահ Դոնալդ Թրամփը հայտարարել է, որ ձգտում է գործարքի հասնել Իրանի հետ՝ նույնիսկ այն դեպքում, երբ լարվածությունը սրվել է Իրանի գերագույն հոգևոր առաջնորդ այաթոլլա Ալի Խամենեիի նախազգուշացումից հետո, որ ԱՄՆ-ի ցանկացած հարձակում կհանգեցնի «տարածաշրջանային պատերազմի», գրում է The Independent-ը։
«Մենք պատերազմ սկսողը չենք և չենք ուզում որևէ երկրի վրա հարձակվել։ Սակայն եթե Ամերիկան հարձակվի կամ վնասի Իրանին, իրանական ազգն ուժեղ հարված կհասցնի, և Ամերիկայի կողմից սկսված ցանկացած պատերազմ կտարածվի ամբողջ տարածաշրջանում»,- ասել է Իրանի հոգևոր առաջնորդը։
Մինչ երկու կողմերն էլ ազդանշան են փոխանցել, որ պատրաստ են վերսկսել բանակցությունները, ԱՄՆ նախագահը դեռևս հրաժարվել է ասել՝ արդյո՞ք Իրանի դեմ ուժի կիրառման վերաբերյալ «վերջնական որոշումը» կայացրել է։ Նա բազմիցս սպառնացել է ռազմական միջամտությամբ՝ կոչ անելով Թեհրանին դադարեցնել ցուցարարների սպանությունները և համաձայնել միջուկային զենքից զերծ համաձայնագրի։
«Հուսով եմ, որ մենք կկնքենք համաձայնագիր։ Եթե մենք կնքենք համաձայնագիր, դա լավ է։ Եթե չկնքենք, կտեսնենք, թե ինչ կլինի»,- լրագրողների հետ զրույցում ասել է Թրամփը։
Թարգմանությունը՝ Էմմա Չոբանյանի
