07.06.2026 | 13:56
Օտարերկրյա համարներից կեղծ ահազանգեր են տարածվել ընտրատեղամասերում ռումբերի մասին
Ահազանգ է ստացվել, որ Երևանում գտնվող շինանյութի պահեստում հրդեհ է բռնկվել․ ՆԳՆ
Հասարակություն
01.02.2026 | 10:42
Հունվարի 31-ին, ժամը 18:10-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Գևորգ էմինի փողոցի շենքերից մեկի 1-ին հարկում գտնվող շինանյութի պահեստում հրդեհ է բռնկվել։
Դեպքի վայր են մեկնել Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, Հրդեհաշիջման և փրկարարական աշխատանքների կազմակերպման բաժնի, Հոգեբանական աջակցության և Բժշկական ապահովման վարչության հերթապահ խմբերը։
Պարզվել է, որ հրդեհը բռնկվել է նշված հասցեում կառուցվող շենքի ավտոկայանատեղիում (մոտ 100 քմ տարածքում):
Հրդեհը մեկուսացվել է ժամը 19:05-ին, մարվել՝ 19:35-ին: Այրվել են շենքի կառուցման համար նախատեսված շինարարական պարագաներ (պլաստմասսե խողովակներ, ներկեր, ապակե բամբակ, մեկուսիչ խողովակներ և այլն):
