28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Պարույր Հովհաննիսյանը փոխնախագահի կարգավիճակով նախագահել է ՄԱԿ-ի Տնտեսական և սոցիալական խորհրդի նիստը
Քաղաքականություն
30.01.2026 | 23:08
Հունվարի 27–28-ը ՄԱԿ-ում Հայաստանի մշտական ներկայացուցիչ, դեսպան Պարույր Հովհաննիսյանը, որպես Տնտեսական և սոցիալական խորհրդի փոխնախագահ, նախագահել է 2026 թ. համակարգման հատվածի քննարկումները, որոնք նվիրված էին Խորհրդի համակարգվածության, արդյունավետության և 2030 Օրակարգի իրականացման վերջին փուլում դրա դերակատարության ամրապնդմանը։ Այս մասին տեղեկացնում են ՄԱԿ-ում ՀՀ ներկայացուցչությունից։
«Տնտսոցխորհի 80-ամյակի համատեքստում քննարկումները վերահաստատեցին ընդհանուր ըմբռնումը, որ համակարգումն այլևս հանդիսանում է հավաքական վստահելիության և արդյունավետության չափանիշ։
Քննարկումների ընթացքում նշվեց, թե ինչպես կարող է Խորհուրդը առավել արդյունավետ կերպով միավորել խաղաղության, զարգացման, մարդու իրավունքների և հումանիտար գործողությունների ուղղությունները, գլոբալ հանձնառությունները վերածել անդամ պետություններին ուղղված գործնական աջակցության, ինչպես նաև ուժեղացնել համակարգվածությունը, կանխատեսելիությունն ու հաշվետվողականությունը՝ 2030 Օրակարգի իրականացման վերջին փուլին ընդառաջ։
Հիմնական ուղերձն էր․ Տնտեսական և սոցիալական խորհրդի ուժեղացումն իրագործելի է՝ ավելի հստակ քաղաքական ուղղորդման, ավելի արդյունավետ վերահսկողության, շահագրգիռ կողմերի ներառական մասնակցության և արդյունքների ու իրական ազդեցության վրա կենտրոնանալու միջոցով»,- ասվում է հաղորդագրությունում։
