09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վահագն Խաչատուրյանը հրաժեշտի հանդիպում է ունեցել Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդի հետ
Քաղաքականություն
30.01.2026 | 21:14
Հանրապետության նախագահ Վահագն Խաչատուրյանը ընդունել է Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդին՝ նրա առաքելության ավարտի կապակցությամբ։ Հանդիպման ընթացքում նախագահը բարձր է գնահատել ՅՈՒՆԻՍԵՖ-ի ներդրումը երեխաների իրավունքների պաշտպանության, կրթության և սոցիալական ոլորտներում՝ կարևորելով ձևավորված արդյունավետ համագործակցության շարունակականությունն ու խորացումը։
«Նախագահը շնորհակալություն է հայտնել Քրիսթինե Վայգանդին Հայաստանում իր գործունեության ընթացքում իրականացրած մեծածավալ և հետևողական աշխատանքի, ինչպես նաև Հայաստանի Հանրապետության պետական կառույցների հետ ձևավորված սերտ և արդյունավետ համագործակցության համար։
Վահագն Խաչատուրյանը բարձր է գնահատել ՅՈՒՆԻՍԵՖ-ի ներդրումը հատկապես երեխաների իրավունքների պաշտպանության, կրթության և սոցիալական ոլորտներում իրականացված ծրագրերում։
Իր հերթին Քրիսթինե Վայգանդը շնորհակալություն է հայտնել ընդունելության, ջերմ խոսքերի և տարիների ընթացքում ցուցաբերված համագործակցության համար՝ ընդգծելով, որ սիրել է Հայաստանը և դժվարությամբ է հեռանում երկրից։
Հանդիպման ընթացքում կարևորվել է ՅՈՒՆԻՍԵՖ-ի հետ համագործակցության շարունակականությունն ու խորացումը։ Կողմերը ընդգծել են կրթական, սոցիալական և այլ համատեղ ծրագրերի իրականացման կարևորությունը, ինչպես նաև կազմակերպության լավագույն փորձի առավել ակտիվ կիրառումը Հայաստանում՝ ի նպաստ երեխաների և խոցելի խմբերի բարեկեցության ապահովման։
Կողմերը վերահաստատել են փոխադարձ պատրաստակամությունը՝ շարունակելու արդյունավետ համագործակցությունը և ընդլայնելու համատեղ նախաձեռնությունների շրջանակը»,- ասված է հաղորդագրությունում։
