09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սերխիո Ռամոսը բռնցքամարտի մենամարտ կանցկացնի սկանդալային բլոգերի հետ
30.01.2026 | 17:20
Ֆուտբոլի Իսպանիայի հավաքականի ու Մադրիդի «Ռեալի» նախկին ավագ Սերխիո Ռամոսը բռնցքամարտի մենամարտ կանցկացնի սկանդալային վարքով հայտնի ամերիկացի բլոգեր Էնդրյու Թեյտի հետ, հաղորդում է Moslee-ն։
Մենամարտը տեղի կունենա օգոստոսի 22-ին Դոհայում կայանալիք Misfits Boxing մրցաշարում՝ 88,5 կգ քաշային կարգում։ Կանցկացվի 3 րոպե տևողությամբ 6 ռաունդ։
Էնդրյու Թեյտը նախկին պրոֆեսիոնալ քիկբռնցքամարտիկ է։ Նա հաճախ է հանդես գալիս կնատյաց մեկնաբանություններով։ Թեյտի դեմ նաև քրեական գործ է հարուցվել Ռումինիայում՝ բռնաբարության և մարդկանց թրաֆիքինգի մեղադրանքով։
Սերխիո Ռամոսը 2025թ․ դեկտեմբերին մեքսիկական «Մոնտերեյից» հեռանալուց հետո ակումբ չունի։ 39-ամյա պաշտպանը կարիերայի ընթացքում հանդես է եկել նաև իսպանական «Սևիլիայում» ու ֆրանսիական ՊՍԺ-ում, իսկ «Ռեալում» խաղացել է 2005-2021թթ․։
