02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
Ադրբեջանը թույլ չի տա իր տարածքն օգտագործել Իրանի դեմ ռազմական գործողությունների համար. Բայրամովը՝ Արաղչիին
Քաղաքականություն
30.01.2026 | 11:14
Ադրբեջանի և Իրանի արտաքին գործերի նախարարներ Ջեյհուն Բայրամովն ու Աբբաս Արաղչին հեռախոսազրույցի ընթացքում Իրանի շուրջ ստեղծված իրավիճակն են քննարկել։ Ադրբեջանի ԱԳՆ-ի հաղորդմամբ՝ Բայրամովն ասել է, որ տարածաշրջանում վերջին շրջանում լարվածությունը մտահոգություն է առաջացնում, նաև ընդգծել, որ Ադրբեջանը միշտ հանդես է եկել այն բանի օգտին, որ բոլոր կողմերը զերծ մնան այնպիսի գործողություններից և հռետորաբանությունից, որոնք կարող են անկայունություն առաջացնել Իրանում և նրա շուրջը։
Նշվել է, որ առկա խնդիրները պետք է լուծվեն բացառապես միջազգային իրավունքի նորմերին և սկզբունքներին համապատասխան՝ երկխոսության և դիվանագիտության միջոցով։
Հատկապես ընդգծվել է, որ Ադրբեջանը երբեք թույլ չի տա իր օդային տարածքը կամ տարածքը օգտագործել հարևան Իրանի կամ որևէ այլ երկրի դեմ ռազմական գործողությունների իրականացման համար։
Թարգմանությունը՝ Էմմա Չոբանյանի
